акафист иконе божией матери пристанище
Акафист иконе божией матери пристанище
Кондак 2
Собою мир Небесный Херувимов и Серафимов, Владычице, осветила, Но в скорбях пребывающих земных Своих детей не забыла. До времени безымянная, икона Твоя на земле Тарасовской во храме Успения, Стала для чтущих память Твою Ковчегом спасения. Освятившись благодатию пребывания в храме преславном, Благоизволила явити Себя миру во образе православном, Яко крепчайшее утверждение веры истинныя И небурное Пристанище для вопиющих Богу: Аллилуйя.
Икос 2
Воистину непостижимо, Благодатная, милосердие Твое к заблудшим, Сострадание и любовь ко всем, во тьме греховной сущим. Ты рабу Свою, несведущую в иконописании, благословила, Дабы она, многогрешная, вид иконы Твоея изменила, Даровала еси рабе сей дерзновение Тебе послужити – Образ Твой во Православныя Одежды облачити, Чтобы каждый приходящий на Лик Пречистый взирая, Воспевал с радостью и изумлением взывая:
Радуйся, в пределах Киевских славу чудес Твоих проявившая,
Радуйся, на земле Тарасовской Себя Пристанищем страждущим явившая.
Радуйся, покрывати женам плечи и главу вразумляющая;
Радуйся, святоотеческую православную веру непорочную сохраняющая.
Радуйся, от уныния опущенные долу руки укрепляющая;
Радуйся, изнемогающия очеса зрением иконы Твоея увеселяющая.
Радуйся, земное и Небесное Пристанище Чад Твоих, в заступлении нуждающихся.
Кондак 3
Ветхий корабль человечий сокрушает неистовая буря сомнений В море житейском вздымаются волны мирских попечений. Не ведаем, где обрящем Пристанище спасения, Токмо на Тя по Бозе возложим надежды дерзновение. Имуще Тя великую Помощницу и Поборницу на супротивныя, Молим Тя слезно, Помози нам, Владычице Предивная, Дево Непорочная, к иконе дивной Твоей притекаем, Взыскати Тобою безпреткновенный путь спасения уповаем. Теплые моления к Тебе, Пречистая, не возносим всуе, Можеши бо помощи всем верным, взывающим Богу: Аллилуия.
Икос 3
Дивно есть зрети чудо сие, недоступное плотскому разумению, Колеблют умы наша мятежныя смущения и недоумения: Како грешнии и недостойнии, возможем дерзати Тя, Пренепорочная Владычице, должно восхваляти. Предузрев явление Образа Твоего, старец Лавры Почаевския, Божиим Промыслом преднаименова Его «Пристанище», Очесами духовными силу и изобилие чудес прозревающе, Чрез дивный Образ сей произтекающих, Пристанище даруя людям православным, с Богом сущим, Благодарящим Тя и в умилении вопиющим:
Радуйся, людей озлобленных умиротворяющая,
Радуйся грешников к слезному покаянию понуждающая.
Радуйся, погрязшие в греховной пучине души возрождающая,
Радуйся, обуреваемым страстями мир и тишину посылающая.
Радуйся, прельщенных бесовскою прелестию на путь правый обращающая.
Радуйся, в пристань послушания и благочестия направляющая,
Радуйся, болезни душевные вкупе с телесными телесными исцеляющая.
Радуйся, земное и Небесное Пристанище Чад Твоих, в заступлении нуждающихся.
Кондак 4
Проповедует, Богородительнице, мир Христианский чудеса Твоя, Купно с ним утверждаемся и мы в силе благодати Твоея, Во вся времена через святые иконы Твои изливаемой, По неизреченной милости Твоей в помощь нам посылаемой. Хотяй всем спастись и в разум истинный прийти Ты внимаеши, Аки Свеща возженная, грешником пути к спасению научаеши. Слышиши воздыхания всех, к иконам Твоим притекающих, На Тебя, Всепетая, непреложно уповающих, Исполняющих волю Божию всеблагую, Сыну Твоему и Богу нашему возглашающих благодарственную песнь: Аллилуиа.
Икос 4
Странное чудо зря, Раби Господни ужаснулись и вострепетали, Егда волю Твою вразумити живописца, без веры поправлявшего ризы Твоя, познали. По слову дерзнувшего, икона, «вспружинив», Собою дверь затворила, И не одолел он, доколе не покаялся, двери сея и Твоея силы. Милосердно вняв его слезному молитвенному прошению, Взлетела икона Твоя во время оно, свободив из заточения Живописца сего, потрясение велие пережившего, В страсе Божием благодарным сердцем и усты возопившего:
Радуйся, в роде христианском дивная чудеса совершающая;
Радуйся, через чудотворную икону Твою нас умудряющая.
Радуйся, заблудших от уз неверия странно разрешающая;
Радуйся, пред неверными Нерушимую стену воздвигающая.
Радуйся, всякое дело злое и богопротивное разрушающая;
Радуйся, ко всякому делу благому и богоугодному направляющая.
Радуйся, земное и Небесное Пристанище Чад Твоих, в заступлении нуждающихся.
Кондак 5
Спастися хотящим нам, утомляемым страстей нахождением, Ты, Царице Неба и земли, еси Оплот, Пристанище и Заступление. О, Мати Сладчайшая, избави нас от глубины тимения, Руку помощи подаждь от страшного в отчаяния бездну падения. Да не погрязнем посреди волн беззаконий наших, Да не станем добычей демонов, потопити в преисподней души хотящих. Изволила Ты, Владычице, во спасение душ православных Явити верным икону Твою всеславную. Мы же к всещедрому Господу, даровавшему икону Твою святую, Песнию Ангельскою неленостно воззовем: Аллилуиа.
Икос 5
Силою благодати Твоея, от Чудотворного Образа изливаюшейся, Возвращена была во храм Успенский икона Твоя «Пристанище», Представшая в храме сем благодатном для поклонения Верным, дерзающим с благоговением просити о Покрове и заступлении. Да обрящут болящии и немощные в Тебе Нерушимую Крепость спасения, Все обидимые, бездомные, странные и убогие велие утешение; Вси безпомощнии в скорбнии дни житейских испытаний да не злобятся И Тебе, Заступнице, похвальную песнь воспети тако сподобятся:
Радуйся, скорое услышание в скорби пребывающия;
Радуйся, в скорбях молитися вразумляющая.
Радуйся, горестные рыдания прекращающая;
Радуйся, сердца жестокосердых и неприступных сокрушающая.
Радуйся, от тьмы страстей заблудших разрешающая;
Радуйся от злого обстояния враг видимых и невидимых избавляющая.
Радуйся, токи слез людских милостивно отирающая;
Радуйся, нищих, сирот и вдовиц любовию покрывающая.
Радуйся, земное и Небесное Пристанище Чад Твоих, в заступлении нуждающихся.
Кондак 6
Боготечной звезде подобна икона Твоя, Царице Небесная, Освещаяй путь грядущим стезями земной юдоли тесныя. Не отреваеши от Себя всех к чудотворному Образу Твоему приходящих С теплым молением и горячею слезою о помощи просящих. Никто, притекая к Тебе, аще добре просит, не отходит всуе, Возглашая рожденному от Тебе Владыке Богу: Аллилуиа.
Икос 6
Очесами веры зрят, о Мати Слова, вси людие вернии, Непостижимое человеческим разумением к страждущим милосердие. Егда некая раба Божия, не утратив в тяжкой болезни силы духа, Обратися к иконе Твоей с мольбою об уврачевании недуга, Сама повелела Ты страждущей в сонном видении Совершить три дня кряду Святых Христовых Таин приобщение. Поведа слова Твои раба сия больным, в лечебнице находившимся, И уверовавшие исцелились, в праздник Благовещения причастившися, Неколеблемо исполнив волю Твою святую И воспели, обретя здравие, хвалу Тебе сицевую:
Радуйся, в безнадежности и отчаянии неисцельной болезни веру укрепляющая;
Радуйся, всеми отвергнутых больных под Покров Своей десницу принимающая;
Радуйся, мудрая советодательнице, духовным врачеванием недугующих исцеляющая;
Радуйся, недуги их тяжкие во благо претворяющая;
Радуйся, всякое душевное и телесное страдание облегчающая;
Радуйся, безмездным врачеванием на путь правый направляющая.
Радуйся, земное и Небесное Пристанище Чад Твоих, в заступлении нуждающихся.
Кондак 7
Проповедует Церковь православная чудеса Твои неизреченные, Препетая Богородице Дева, от века Благословенная, Милостию Своею никого не обделившая и в скорбях не покинувшая, Тщание раб Своих, на путь праведный дерзающих стати, не отринувшая. Како восхвалити Тя, Утешительнице, за Твое велие роду христианскому, вспоможение, И Господу Богу нашему воспети песнь хвалебную со благодарением: Аллилуиа.
Икос 7
Немоществующих раб Твоих, с верою молящихся иконе Твоей, спасаеши, Всем, прибегающим к Твоей помощи и прибежищу, в их нуждах помогаеши. Так, во время оно жена некая, в церкви Успенския певшая, Крепкой веры в силу чудес от иконы Твоея еще не имевшая, Отчаявшаяся в ожидании, о неимении в храме певцов возроптала, К иконе «Пристанище» с верою подошед воззвала: Если Ты, иконо святая, еси воистину чудотворная, Послати сподоби в храм певчих, достойных силы Твоея, Дабы в радость Тебе и людям было дивное хора пение пение. И узрела она в скором времени с удивлением Деву юную, на пороге храма представшую, Чудный голос имущую и пети в храме желавшую. И от дня сего стал в храме сем пребывати Дивный хор, достойный со Ангелы воспевати:
Радуйся, для славы Божией хоров Создательнице и Хранительнице;
Радуйся, воспевающих на клиросе благодать Твою сугубая Попечительнице.
Радуйся, церковных хоров Покровительнице всемогущая;
Радуйся, Сослуживице службу Божию служащим пением голос дающая.
Радуйся, в немощные уста сильный глас подающая;
Радуйся, Соработнице рабов Твоих, в храмах поющия.
Радуйся, земное и Небесное Пристанище Чад Твоих, в заступлении нуждающихся.
Икос 8
В тяжкую годину нашу тайного и явного на веру истинную гонения, Изгнания людей православных и Божиих церквей разорения, Искали вернии в землях Киевских себе пристанища и прибежища, И, пришед к Твоему Образу, всем сердцем возопили об убежище. Ты же, Владычице, не замедлив, благословила им работу и обиталище, Слава о Тебе пошла, и закрепилось имя за Тобой «Пристанище», Яко кров даеши и работу просящим с дерзновением, Да преклонив колени сердца воспоют Тебе с умилением:
Радуйся, не имущих крова и пристанища Попечительнице;
Радуйся, не имущим работы Трудоустроительнице;
Радуйся, беглецам и гонимым Убежище несокрушимое;
Радуйся, странных Странноприимнице нерушимая;
Радуйся, скитающихся иноков Скиние, от бурь укрывающая;
Радуйся, томимым горькими работами облегчение посылающая;
Радуйся, земное и Небесное Пристанище Чад Твоих, в заступлении нуждающихся.
Кондак 9
Ветия многовещанныя, яко рабы безгласнии, Не возмогут изрещи славу Твою громогласную. Всем явилась Ты Ходатаицей и сугубою Попечительницей, Неустанной помощницей в житейских нуждах и бедах хранительницей. Ублажаем Тя, Сладчайшая Госпожа и заботливая Матерь наша За любовь, Твою грешников милующую и подымающую падших, С верою несумненной и надеждой твердой к Тебе притекающих И из глубины души о спасении дерзновенно взывающих: Аллилуиа.
Икос 9
Егда список с иконы «Пристанище» был во град Москву доставлен И в храм Покровский на Лыщиковой горе на аналое поставлен, Прияша у себе вернии новоявленный Образ Царицы Небесной, Взывая к Нему о спасении в привременной земной юдоли тесной. И обогатили храм свой нескончаемыми токами чудес и исцелений, Молясь Владычице неустанно с велием дерзновением:
Радуйся, землю Московскую иконой «Пристанище» посетившая;
Радуйся, во граде Москве благодатную силу явившая.
Радуйся, сердца российские Небесною радостию исполняющая;
Радуйся, град Престольный обилием чудес удивляющая.
Радуйся, списком с чудныя иконы в России души умиляющая;
Радуйся, народы славянския воедино созывающая;
Радуйся, земли Киевския и Московския Собою освятившая;
Радуйся, милосердие свое на многрешных рабов Своих излившая.
Радуйся, земное и Небесное Пристанище Чад Твоих, в заступлении нуждающихся.
Икос 10
Приими пение наше недостойное, Чистая Голубице, Благодатная Дево, Яко образ Твой «Пристанище» явися миру во времена Божия гнева. Сохрани от оскудения веры и благочестия, умножения беззаконий жестоких, Помоги спастись в мире, погибающем в нечестии и пороке. Услыша же во дни оны жена некая в храме Успения Божией Матери, Из уст нечестивых и дерзких исторгнутое на нее проклятие, И узре, яко, одолеваемая недугом, слегла хулительница от порчи. Возопив жена сия в немощи со слезами к иконе Твоей о помощи, Воссташа послежде от одра невредима и нечестивую обличившая, Дабы покаялась в богопротивных деяниях зло сотворившая И исшед из храма Божия и возопи нечестивая гласом велим. Мы же с благодарением Тебе сице воспеваем в веселии:
Радуйся, могучее от всякого чародеяния Ограждение;
Радуйся, от всех наветов вражиих Заступление;
Радуйся, беззаконие творящим грозная Мстительнице;
Радуйся, служащих бесом из храмов Изгонительнице;
Радуйся, благочестно живущих усердная Хранительнице;
Радуйся, на духов нечистых Непобедимая Воительнице;
Радуйся, земное и Небесное Пристанище Чад Твоих, в заступлении нуждающихся.
Кондак 11
Новая чудеса показа нам Тобою на земли всех чудес Творец и Владыка. Удивися Ангели на Небесех попечению Твоему о людех великому, Посему умиленно молим Тя, Сладчайшая наша Отрадо: Дабы Твоим предстательством избегнуть нам бездны ада, Духа Святаго Наитием искорени прозябшее в нас лукавство; Укажи путь кратчайший ищущим Небесного Царства; Чад Твоих, возжелавших нищеты духовныя, научи терпению; Да возопим, получив велие дерзновение Сыну Твоему и Богу нашему песнь благую: Аллилуиа.
Икос 11
Благодатию позна Тя яко Живоносный Источник чудес превеликих, Хвалу неумолчными устами вознесем Сыну Твоему и Владыке, Веруя, яко обрела Ты благодатную силу на вспоможение Многогрешным рабом Твоим, чающим Пристанища и Покрова в гонениях. Вдохновил Твой чудный Образ некоего старца на дивное откровение, И приоткрыл он завесу Тайны, от века от людей прикровенной, Яко будет икона Твоя покрывать во времена последние верных, Спасающихся от грядущего антихриста в пустыне сокровенной, С упованием неленостно молящихся Царице Небесной, Надеющихся на Ее скорое заступление в земной юдоли тесной:
Радуйся, немощных духом силою благодати Божией исполняй;
Радуйся, изнемогающих от уныния и скорбей всеоружием веры и надежды облекаяй.
Радуйся, Царственная Скиния вечного покоя и спасения;
Радуйся, уготовившая верным христианскую кончину и место упокоения;
Радуйся, воскрылием риз своих наши души от злых демонов покрывающая;
Радуйся, в час кончины нашея на страшных мытарствах ковы бесовския разбивающая;
Радуйся,Владычице места, идеже несть болезнь ни печаль, ни воздыхание;
Радуйся, верных утверждение, неложное на Бога упование,
Радуйся, земное и Небесное Пристанище Чад Твоих, в заступлении нуждающихся.
Кондак 12
Стяжахом Тобой благоутишное Пристанище, Богородице Дево, Николиже престаем молити Тя да спасеши от Божия гнева! Яко врачество еси духовное Кров Твой, Богородительнице Всепетая; На страшном Судилище Христовом чаем Твоего предстательства, Матерь Света. К Тебе прибегающи, верни недуги душевнии и телеснии исцеляют И в радости велией Сыну Твоему и Богу взывают: Аллилуиа.
Икос 12
Яко лампада неугасимая, возженная в тимении ночи безсонной, Поставлена была во храме Тарасовском Твоя, Богомати, икона Всем верным чадам во вспоможение во времена тяжкия нестроений Путь Истинный указуя во мраке неспасительных заблуждений. Чудным образом Своим «Пристанище» обрела Себе место упокоения, Пастыря Церкви Твоея благословила на нового храма возрождение На месте дивном, с древних лет чудесами прославленном, Дабы вернии восславили Тебя, Владычице, молитвами православными:
Радуйся, с высот Небесных на рабы Своя призирающая;
Радуйся, никакого же упования не отвращающая.
Радуйся, Своими молитвами добродетельную жизнь обрести нам устрояющая;
Радуйся, молитвы наша, яко кадило благовонное, Богу вознести помогающая;
Радуйся, неблагочестивыя и неблагоразумныя деяния сокрушающая;
Радуйся, вкупе с пастырями истинными моления к Богу совершающая;
Радуйся, земное и Небесное Пристанище Чад Твоих, в заступлении нуждающихся.
Кондак 13
О, Преблагословенная Матерь Бога нашего, в молитвах Всемогущая, Пречистая Богородице Марие, к покаянию грешников зовущая, Ты избави нас, Благословенная, неутешно скорбящих чад Твоих, От многоразличных искушений диавольских и соблазнов мирских. Буди небурным Пристанищем в тяжелых жизненных обстояниях, Несокрушимой преградой для злобы и верным погибших Взысканием. Вси бо Тобою стяжахом ограждение несумненное и Стену Нерушимую, В находящих на ны напастех Тобою, Благодатная, присно хранимии. Николиже, Всепетая молитвы нашея слезныя презираяй, Но от лишений и бед людей безответных милостию Своею избавляяй, С умилением и верою призываем имя Твое в годину лихую, Да спасенние Тобою вопием во веки Богу: Аллилуиа.
Трижды, затем Икос 1 и Кондак 1
Молитва
О, Преблагословенная Владычице наша Богородице Марие, Блаженная Отрадо, Пристанище душ наших в бренном мире! Яко Ты Одна имееши велие дерзновение к Сыну Своему и Богу.
Молим убо со слезами, Всемилосердая, указать нам во тьме дорогу. Исполни скорбные души наша, грехом поврежденные, светом Любви, Неоскудевающую благодать Божию на рабов Твоих кающихся призови. Яко зриши немощи чад Твоих, тягостное бремя нечестия влачащих, Обрести Пристанище душам своим зде и жизни вечной просящим. Многоразличными искушениями и бедами обуреваемы, В скорби и немощи имя Твое святое призываем мы. Не забуди нас, Предстательнице у Престола Господняго, Молися за ны Господу, да избавит от тьмы преисподней. Да Твоими молитвами обрящем пристанище и спасение, И блаженное стяжаем в жизни вечной упокоение. Аминь.
Тропарь, глас 4
Радуйся, Обрадованная Богородице Дево,/ Пристанище и Предстательство рода христианского,/ Из Тебе бо воплотися Избавитель мира./ Умоли Христа Бога/Даровати вселенней велию милость.
Акафист Пресвятой Богородице
Кондак 1
В збрáнной Воевóде победи́тельная, я́ко избáвльшеся от злых, благодáрственная воспису́ем Ти раби́ Твои́, Богорóдице; но я́ко иму́щая держáву непобеди́мую, от вся́ких нас бед свободи́, да зовéм Ти: рáдуйся, Невéсто Неневéстная.
Икос 1
А нгел предстáтель с небесé пóслан бысть рещи́ Богорóдице: рáдуйся, и со безплóтным глáсом воплощáема Тя зря, Гóсподи, ужасáшеся и стоя́ше, зовы́й к Ней таковáя: Рáдуйся, Еюже рáдость возсия́ет; рáдуйся, Еюже кля́тва исчéзнет. Рáдуйся, падшаго Адама воззвание; рáдуйся, слез Евиных избавлéние. Рáдуйся, высотó неудобовосходи́мая человéческими пóмыслы; рáдуйся, глубинó неудобозри́мая и áнгельскима очи́ма. Рáдуйся, я́ко еси́ Царéво седáлище; рáдуйся, я́ко нóсиши Нося́щаго вся. Рáдуйся, Звездó, явля́ющая; рáдуйся, утрóбо Божéственнаго воплощéния. Рáдуйся, Еюже обновля́ется тварь; рáдуйся, Еюже покланя́емся Творцу́. Рáдуйся, Невéсто Неневéстная.
Кондак 2
В и́дящи Святáя Себé в чистотé, глагóлет Гаврии́лу дéрзостно: преслáвное твоегó глáса неудобоприя́тельно души́ Моéй явля́ется: безсéменнаго бо зачáтия рождествó кáко глагóлеши, зовы́й: Аллилу́иа.
Икос 2
Р áзум недоразумевáемый разумéти Дéва и́щущи, возопи́ к служáщему: из боку́ чи́сту, Сы́ну кáко есть роди́тися мóщно, рцы Ми? К Нéйже он речé со стрáхом, обáче зовый сице: Рáдуйся, совéта неизречéннаго Таи́ннице; рáдуйся, молчáния прося́щих вéро. Рáдуйся, чудéс Христóвых начáло; рáдуйся, велéний Егó глави́зно. Рáдуйся, лéствице небéсная, Еюже сни́де Бог; рáдуйся, мóсте, преводя́й су́щих от земли́ на нéбо. Рáдуйся, Ангелов многослову́щее чу́до; рáдуйся, бесóв многоплачéвное поражéние. Рáдуйся, Свет неизречéнно роди́вшая; рáдуйся, éже кáко, ни еди́наго же научи́вшая. Рáдуйся, прему́дрых превосходя́щая рáзум; рáдуйся, вéрных озаря́ющая смы́слы. Рáдуйся, Невéсто Неневéстная.
Кондак 3
С и́ла Вы́шняго осени́ тогдá к зачáтию Браконеиску́сную, и благоплóдная Тоя́ ложеснá, я́ко селó показá слáдкое, всем хотя́щим жáти спасéние, внегдá пéти си́це: Аллилу́иа.
Икос 3
И му́щи Богоприя́тную Дéва утрóбу, востечé ко Елисавéти: младéнец же óноя áбие познáв Сея́ целовáние, рáдовашеся, и игрáньми я́ко пéсньми вопия́ше к Богорóдице: Рáдуйся, óтрасли неувядáемыя рóзго; рáдуйся, Плодá безсмéртнаго стяжáние. Рáдуйся, Дéлателя дéлающая Человеколю́бца; рáдуйся, Сади́теля жи́зни нáшея рóждшая. Рáдуйся, ни́во, растя́щая гобзовáние щедрóт; рáдуйся, трапéзо, нося́щая оби́лие очищéния.
Р áдуйся, я́ко рай пи́щный процветáеши; рáдуйся, я́ко пристáнище душáм готóвиши. Рáдуйся, прия́тное моли́твы кади́ло; рáдуйся, всегó ми́ра очищéние. Рáдуйся, Бóжие к смéртным благоволéние; рáдуйся, смéртных к Бóгу дерзновéние. Рáдуйся, Невéсто Неневéстная.
Кондак 4
Б у́рю внутрь имéя помышлéний сумни́тельных, целому́дренный Иóсиф смятéся, к Тебé зря небрáчней, и бракоокрáдованную помышля́я, Непорóчная; увéдев же Твоé зачáтие от Ду́ха Свя́та, речé: Аллилу́иа.
Икос 4
С лы́шаша пáстырие Ангелов пою́щих плотскóе Христóво пришéствие, и тéкше я́ко к Пáстырю ви́дят Сегó я́ко áгнца непорóчна, во чрéве Мари́ине упáсшася, Юже пою́ще рéша: Рáдуйся, Агнца и Пáстыря Мáти; рáдуйся, двóре словéсных овéц. Рáдуйся, неви́димых врагóв мучéние; рáдуйся, рáйских дверéй отверзéние. Рáдуйся, я́ко небéсная срáдуются земны́м; рáдуйся, Яко земнáя сликóвствуют небéсным. Рáдуйся, апóстолов немóлчная устá; рáдуйся, страстотéрпцев непобеди́мая дéрзосте. Рáдуйся, твéрдое вéры утверждéние; рáдуйся, свéтлое благодáти познáние. Рáдуйся, Еюже обнажи́ся ад; рáдуйся, Еюже облекóхомся слáвою. Рáдуйся, Невéсто Неневéстная.
Кондак 5
Б оготéчную звезду́ узрéвше волсви́, тоя́ послéдоваша зари́, и я́ко свети́льник держáще ю́, тóю испытáху крéпкаго Царя́, и дости́гше Непостижи́маго, возрáдовашася, Ему́ вопию́ще: Аллилу́иа.
Икос 5
В и́деша óтроцы халдéйстии на руку́ Деви́чу Создáвшаго рукáма человéки, и Влады́ку разумевáюще Егó, áще и рáбий прия́т зрак, потщáшася дарми́ послужи́ти Ему́, и возопи́ти Благословéнней: Рáдуйся, Звезды́ незаходи́мыя Мáти; рáдуйся, зарé тáинственнаго дне. Рáдуйся, прéлести пещь угаси́вшая; рáдуйся, Трóицы таи́нники просвещáющая. Рáдуйся, мучи́теля безчеловéчнаго изметáющая от начáльства; рáдуйся, Гóспода Человеколю́бца показáвшая Христá. Рáдуйся, вáрварскаго избавля́ющая служéния; рáдуйся, тимéния изымáющая дел. Рáдуйся, огня́ поклонéние угаси́вшая; рáдуйся, плáмене страстéй изменя́ющая. Рáдуйся, вéрных Настáвнице целому́дрия; рáдуйся, всех родóв весéлие. Рáдуйся, Невéсто Неневéстная.
Кондак 6
П роповéдницы богонóснии бы́вше волсви́, возврати́шася в Вавилóн, скончáвше Твоé прорóчество, и проповéдавше Тя Христá всем, остáвиша Ирода я́ко буеслóвна, не вéдуща пéти: Аллилу́иа.
Икос 6
В озсия́вый во Еги́пте просвещéние и́стины, отгнáл еси́ лжи тьму: и́доли бо егó, Спáсе, не терпя́ще Твоея́ крéпости, падóша, сих же избáвльшиися вопия́ху к Богорóдице: Рáдуйся, исправлéние человéков; рáдуйся, низпадéние бесóв. Рáдуйся, прéлести держáву попрáвшая; рáдуйся, и́дольскую лесть обличи́вшая. Рáдуйся, мóре, потопи́вшее фараóна мы́сленнаго; рáдуйся, кáменю, напои́вший жáждущия жи́зни. Рáдуйся, óгненный стóлпе, наставля́яй су́щия во тьме; рáдуйся, покрóве ми́ру, ши́рший óблака. Рáдуйся, пи́ще, мáнны приéмнице; рáдуйся, слáдости святы́я служи́тельнице. Рáдуйся, землé обетовáния; рáдуйся, из нея́же течéт мед и млéко. Рáдуйся, Невéсто Неневéстная.
Кондак 7
Х отя́щу Симеóну от ны́нешняго вéка престáвитися прелéстнаго, вдáлся еси́ я́ко младéнец тому́, но познáлся еси́ ему́ и Бог совершéнный. Тéмже удиви́ся Твоéй неизречéнней прему́дрости, зовы́й: Аллилу́иа.
Икос 7
Н óвую показá тварь, я́влься Зи́ждитель нам от Негó бы́вшим, из безсéменныя прозя́б утрóбы, и сохрани́в Ю, я́коже бе, нетлéнну, да чу́до ви́дяще, воспои́м Ю, вопию́ще: Рáдуйся, цвéте нетлéния; рáдуйся, вéнче воздержáния. Рáдуйся, воскресéния óбраз облистáющая; рáдуйся, áнгельское житиé явля́ющая. Рáдуйся, дрéво светлоплодови́тое, от негóже питáются вéрнии; рáдуйся, дрéво благосенноли́ственное, и́мже покрывáются мнóзи. Рáдуйся, во чрéве нося́щая Избáвителя пленéнным; рáдуйся, рóждшая Настáвника заблу́ждшим. Рáдуйся, Судии́ прáведнаго умолéние; рáдуйся, мнóгих согрешéний прощéние. Рáдуйся, одéждо наги́х дерзновéния; рáдуйся, любы́, вся́кое желáние побеждáющая. Рáдуйся, Невéсто Неневéстная.
Кондак 8
С трáнное рождествó ви́девше, устрани́мся ми́ра, ум на небесá прелóжше: сегó бо рáди высóкий Бог на земли́ яви́ся смирéнный человéк, хотя́й привлещи́ к высотé Тому́ вопию́щия: Аллилу́иа.
Икос 8
В есь бе в ни́жних и вы́шних никáкоже отступи́ неопи́санное Слóво: снизхождéние бо Божéственное, не прехождéние же мéстное бысть, и рождествó от Дéвы Богоприя́тныя, слы́шащия сия́: Рáдуйся, Бóга невмести́маго вмести́лище; рáдуйся, честнáго тáинства двéри. Рáдуйся, невéрных сумни́тельное слы́шание; рáдуйся, вéрных извéстная похвалó. Рáдуйся, колесни́це пресвятáя Су́щаго на Херуви́мех; рáдуйся, селéние преслáвное Су́щаго на Серафи́мех. Рáдуйся, проти́вная в тóжде собрáвшая; рáдуйся, дéвство и рождествó сочетáвшая. Рáдуйся, Еюже разреши́ся преступлéние; рáдуйся, Еюже отвéрзеся рай. Рáдуйся, ключу́ Цáрствия Христóва; рáдуйся, надéждо благ вéчных. Рáдуйся, Невéсто Неневéстная.
Кондак 9
В ся́кое естествó áнгельское удиви́ся вели́кому Твоегó вочеловéчения дéлу: непристу́пнаго бо я́ко Бóга, зря́ше всем присту́пнаго Человéка, нам у́бо спребывáюща, слы́шаща же от всех: Аллилу́иа.
Икос 9
В ети́я многовещáнныя, я́ко ры́бы безглáснии ви́дим о Тебé, Богорóдице, недоумевáют бо глагóлати, éже кáко и Дéва пребывáеши, и роди́ти возмоглá еси́. Мы же, тáинству дивя́щеся, вéрно вопиéм: Рáдуйся, прему́дрости Бóжия прия́телище; рáдуйся, промышлéния Егó сокрóвище. Рáдуйся, любому́дрыя нему́дрыя явля́ющая; рáдуйся, хитрословéсныя безсловéсныя обличáющая. Рáдуйся, я́ко обуя́ша лю́тии взыскáтеле; рáдуйся, я́ко увядóша баснотвóрцы. Рáдуйся, афинéйская плетéния растерзáющая; рáдуйся, рыбáрския мрéжи исполня́ющая. Рáдуйся, из глубины́ невéдения извлачáющая; рáдуйся, мнóги в рáзуме просвещáющая. Рáдуйся, кораблю́ хотя́щих спасти́ся; рáдуйся, пристáнище житéйских плáваний. Рáдуйся, Невéсто Неневéстная.
Кондак 10
С пасти́ хотя́ мир, Иже всех Украси́тель, к сему́ самообетовáн прии́де, и Пáстырь сый, я́ко Бог, нас рáди яви́ся по нам Человéк: подóбным бо подóбное призвáв, я́ко Бог слы́шит: Аллилу́иа.
Икос 10
С тенá еси́ дéвам, Богорóдице Дéво, и всем к Тебé прибегáющим: и́бо небесé и земли́ Творéц устрóи Тя, Пречи́стая, всéлься во утрóбе Твоéй, и вся приглашáти Тебé научи́: Рáдуйся, стóлпе дéвства; рáдуйся, дверь спасéния. Рáдуйся, начáльнице мы́сленнаго наздáния; рáдуйся, подáтельнице Божéственныя блáгости. Рáдуйся, Ты бо обнови́ла еси́ зачáтыя сту́дно; рáдуйся, Ты бо наказáла еси́ окрáденныя умо́м. Рáдуйся, тли́теля смы́слов упраждня́ющая; рáдуйся, Сéятеля чистоты́ рóждшая. Рáдуйся, чертóже безсéменнаго уневéщения; рáдуйся, вéрных Гóсподеви сочетáвшая. Рáдуйся, дóбрая млáдопитательнице дéвам; рáдуйся, невестокраси́тельнице душ святы́х. Рáдуйся, Невéсто Неневéстная.
Кондак 11
П éние вся́кое побеждáется, спрострéтися тщáщееся ко мнóжеству мнóгих щедрóт Твои́х: равночи́сленныя бо пескá пéсни áще принóсим Ти, Царю́ Святы́й, ничтóже совершáем достóйно, я́же дал еси́ нам, Тебé вопию́щим: Аллилу́иа.
Икос 11
С ветоприéмную свещу́ су́щим во тьме я́вльшуюся, зрим Святу́ю Дéву, невещéственный бо вжигáющи огнь, наставля́ет к рáзуму Божéственному вся, зарéю ум просвещáющая, звáнием же почитáемая, си́ми: Рáдуйся, лучé у́мнаго Сóлнца; рáдуйся, свети́ло незаходи́маго Свéта. Рáдуйся, мо́лние, ду́ши просвещáющая; рáдуйся, я́ко гром враги́ устрашáющая. Рáдуйся, я́ко многосвéтлое возсиявáеши просвещéние; рáдуйся, я́ко многотеку́щую источáеши реку́. Рáдуйся, купéли живопису́ющая óбраз; рáдуйся, грехóвную отъéмлющая сквéрну. Рáдуйся, бáне, омывáющая сóвесть; рáдуйся, чáше, чéрплющая рáдость. Рáдуйся, обоня́ние Христóва благоухáния; рáдуйся, животé тáйнаго весéлия. Рáдуйся, Невéсто Неневéстная.
Кондак 12
Б лагодáть дáти восхотéв, долгóв дрéвних, всех долгóв Реши́тель человéком, прии́де Собóю ко отшéдшим Тогó благодáти, и раздрáв рукописáние, слы́шит от всех си́це: Аллилу́иа.
Икос 12
П ою́ще Твоé рождествó, хвáлим Тя вси, я́ко одушевлéнный храм, Богорóдице: во Твоéй бо всели́вся утрóбе содержáй вся рукóю Госпóдь, освяти́, прослáви и научи́ вопи́ти Тебé всех: Рáдуйся, селéние Бóга и Слóва; рáдуйся, Святáя Святы́х бóльшая. Рáдуйся, ковчéже, позлащéнный Ду́хом; рáдуйся, сокрóвище животá неистощи́мое. Рáдуйся, честны́й вéнче царéй благочести́вых; рáдуйся, честнáя похвалó иерéев благоговéйных. Рáдуйся, Цéркве непоколеби́мый стóлпе; рáдуйся, цáрствия неруши́мая стенó. Рáдуйся, Еюже воздви́жутся побéды; рáдуйся, Еюже низпадáют врáзи. Рáдуйся, тéла моегó врачевáние; рáдуйся, души́ моея́ спасéние. Рáдуйся, Невéсто Неневéстная.
Кондак 13
Э тот кондак читается трижды, затем 1-й икос: А нгел предстáтель. и 1-й кондак: В збрáнной Воевóде.
Икос 1
А нгел предстáтель с небесé пóслан бысть рещи́ Богорóдице: рáдуйся, и со безплóтным глáсом воплощáема Тя зря, Гóсподи, ужасáшеся и стоя́ше, зовы́й к Ней таковáя: Рáдуйся, Еюже рáдость возсия́ет; рáдуйся, Еюже кля́тва исчéзнет. Рáдуйся, падшаго Адама воззвание; рáдуйся, слез Евиных избавлéние. Рáдуйся, высотó неудобовосходи́мая человéческими пóмыслы; рáдуйся, глубинó неудобозри́мая и áнгельскима очи́ма. Рáдуйся, я́ко еси́ Царéво седáлище; рáдуйся, я́ко нóсиши Нося́щаго вся. Рáдуйся, Звездó, явля́ющая; рáдуйся, утрóбо Божéственнаго воплощéния. Рáдуйся, Еюже обновля́ется тварь; рáдуйся, Еюже покланя́емся Творцу́. Рáдуйся, Невéсто Неневéстная.
Кондак 1
В збрáнной Воевóде победи́тельная, я́ко избáвльшеся от злых, благодáрственная воспису́ем Ти раби́ Твои́, Богорóдице; но я́ко иму́щая держáву непобеди́мую, от вся́ких нас бед свободи́, да зовéм Ти: рáдуйся, Невéсто Неневéстная.
Молитвы