акафист тихвинской иконе божией матери чадоподательница
Акафист Пресвятой Богородице пред иконой «Тихвинская»
Кондак 1
Взбранной Воеводе, Владычице нашей Богородице благодарственная пения восписуем о явлении чудныя Ея иконы, к нейже притекающии присно избавляются от враг видимых и невидимых. Ты же, Госпоже неба и земли, яко милосердная Мати, приими ныне малое сие моление наше и неотступну никогда же сотвори милость Твою от нас и заступление, охраняющи от всех бед и напастей нас, зовущих Ти:
Радуйся, Владычице, милостивая о нас пред Богом Заступнице.
Икос 1
Ангелов лицы ликовствующе служат Тебе, Владычице, и почитающе Тя, на руку Твоею носившую Творца видимыя и невидимыя твари, икону Твою с места на место преносят. Мы же, земнороднии, дивящеся чудному явлению иконы Твоея, Ангелы носимыя, вопием Ти сице:
Радуйся, всех Небесных Сил высшая; радуйся, вся ангельския чины превосходящая.
Радуйся, честнейшая Херувим; радуйся, славнейшая без сравнения Серафим.
Радуйся, радование Ангелов; радуйся, похваление ликов небесных.
Радуйся, от Ангелов воспеваемая; радуйся, от Серафимов прославляемая.
Радуйся, от Архангел поклоняемая; радуйся, от воинств небесных почитаемая.
Радуйся, в иконе Твоей от Ангел чтимая; радуйся, в видимем образе Твоем от невидимых сил носимая.
Радуйся, Владычице, милостивая о нас пред Богом Заступнице.
Кондак 2
Видяще рыбарие над пучиною вод носимую невидимою силою и светом подобно солнцу сияющую Твою, Богомати, икону с Предвечным Младенцем, рыбарей призвавшим на уловление мира в сети спасения, возопиша: Аллилуиа.
Икос 2
Разум недоразуменный дивнаго явления иконы Твоя разумети людие ищуще, уведеша, яко чтимая в Цареграде пречестная икона в наследие Российскому роду даровася. Темже мы благодаряще за милость Твою к роду нашему вопием Ти:
Радуйся, Мати истинныя Жизни; радуйся, послушанием Твоим преслушание Евы исцелившая.
Радуйся, затворенный Эдем отверзшая; радуйся, миру явившая Сокрушителя главы змиевы.
Радуйся, ковчеже Умирителя мира носивший; радуйся, мир спасшая от потопления греховнаго.
Радуйся, лествице, Еюже сниде Бог; радуйся, земных возводящая на небо.
Радуйся, море фараона мысленнаго потопившее; радуйся, купино неопалившаяся всельшимся в Тя огнем Божества.
Радуйся, скрижале Богописанная; радуйся, каменю, воду жизни источивший жаждущим.
Радуйся, Владычице, милостивая о нас пред Богом Заступнице.
Кондак 3
Сила Вышняго осеняше страну Тихвинскую егда икона Пречистыя Богоматере, многочастне являющися и временным пребыванием освящающи землю, к воздвизанию храмов святых возбуждаше, да славится имя Владычицы во славу Триипостаснаго Бога, Емуже вопием: Аллилуиа.
Икос 3
Имуще благоутробное изволение, да людие страны Тихвинския вожделеют пребывания Твоего с ними да памятуют выну покров Твой, икону Твою являла еси многочастне, дондеже указала еси богоизбранное место вселения ея. Темже чудящеся вопием Ти:
Радуйся, скиние, в Нейже вселися Божество телесне; радуйся, святая святых, в Неюже единою вниде вечный Архиерей.
Радуйся, кивоте позлащенный Духом, Законодателя носивший; радуйся, светильниче, огнем Божественным возженный.
Радуйся, стамно, носившая манну жизни Христа; радуйся, трапезо, Хлеб животный вместившая.
Радуйся, кадильнице угль Божества имущая, мир весь облагоухавшая; радуйся, жезле, Цвет прозябший Христа.
Радуйся, столпе, к вечному наследию руководяй; радуйся, облаче, от враг видимых и невидимых покрываяй.
Радуйся, земле обетования; радуйся, руно, на негоже Христос, яко дождь сниде с небесе.
Радуйся, Владычице, милостивая о нас пред Богом Заступнице.
Кондак 4
Бурю смущения и скорби утолити тщащеся, благовернии людие взываше ко Господу: яви нам божественный дар, егоже человеколюбне стране Российстей послал еси, не скрый сокровища, имже душевную нищету нашу обогатити надеяхомся, претвори печаль нашу в радость, отри слезы и рыдания. И улучивше желаемое, возопиша: Аллилуиа.
Икос 4
Слышав пастырь паствы своея радостное обретение и Матерь Пастыреначальника упасшуюся в странах Тихвинских, устрояет храм в честь новоявленныя иконы Ея, и пресвитеры учреждает, да выну прославляя Богоматерь, вопиют Ей:
Радуйся, Дщи, приклонившая ухо ко гласу Отца Небеснаго; радуйся, яко праматернее сетование разрушися рождеством Твоим.
Радуйся, Невесто, Еяже доброты вожделе Царь Небесный; радуйся, Царице, одесную Царя представшая.
Радуйся, рясны златыми украшенная и всю славу внутрь имущая; радуйся, вводящая многих в чертог Царства Небеснаго.
Радуйся, яблоко, егоже благовоние обоняет весь мир; радуйся крине чистоты, блистанием светяйся.
Радуйся, миро благовонное, всему миру излиянное; радуйся, царскую порфиру, плоть Творца всех, из девственных кровей Твоих исткавшая.
Радуйся, живый запечатленный источниче, источивший Воду жизни; радуйся, мысленный винограде, Гроздь Божественный возрастивый.
Радуйся, Владычице, милостивая о нас пред Богом Заступнице.
Кондак 5
Боготечная звезда явися икона Твоя, Богомати, вся страну Тихвинскую обтекающи и сущих во тьме невежествия светом боговедения озаряющи, скорбящих радостию осиявающи, заблуждающих же на путь делания заповедей Сына Твоего и Бога наставляющи, Ему же благодарственне вопием: Аллилуиа.
Икос 5
Видев Георгий на кладе древа седящу Жену, жезл червленный в руках имущу и светом неизреченным сияющу, Ейже, предстоя, беседоваше дивный Святитель, позна чрез благоухание благодати Тя, Богородицу, чувственный зрак приимшую и Святителя Николая предстояща Тебе, и возопи со трепетом:
Радуйся, доме, егоже созда Себе для вселения Премудрость Божия; радуйся, Дево, Еммануила родившая.
Радуйся, жезле Иессеов, от негоже прозябе Цвет Христос Бог; радуйся, Неневестная Невесто, осенением Духа заченшая Сына.
Радуйся, свитче, в немже перстом Отчим написася Слово; радуйся, книго девства запечатленная, Иосифу на хранение врученная.
Радуйся, клеще таинственная, угль Божества во чреве приемшая; радуйся, престоле превознесенный, на немже плотию возседе Христос.
Радуйся, облаче легкий, на немже прииде Господь славы; радуйся, врата затворенная, имиже един Христос пройде.
Радуйся, горо несекомая, от неяже краеугольный камень отсечеся, Христос; радуйся, огнеросная пеще, неопально приимшая огнь Божества.
Радуйся, Владычице, милостивая о нас пред Богом Заступнице.
Кондак 6
Проповедник быв видимаго Твоего пребывания в стране Тихвинстей и дивнаго промьшления о ней, благочестивый Георгий явление Твое и волю Твою людем возвести, ейже неповинующиися чудесы вразумляются славити Тя, Владычице, и пети Богу: Аллилуиа.
Икос 6
Возсияти свету Богопознания явлением иконы Твоея изволившая, и свет иноческия жизни возжещи благоволила еси, Богомати, на месте явления Твоея иконы, да иноков лицы вопиют Ти непрестанно:
Радуйся, неплоднаго корене благоплодное прозябение; радуйся, от младенчества Богу посвященная.
Радуйся, во святем храме воспитавшаяся; радуйся, Богу уневестившаяся.
Радуйся, всеми добродетельми преукрашенная; радуйся, светоносная палато, Владыце уготованная.
Радуйся, благодатию Божиею предочищенная; радуйся, от начала веков во главизну нашего спасения предъизбранная.
Радуйся, Невесто Архитектона небеснаго, земному тектону на хранение врученная; радуйся, малый Назарет Своим пребыванием возвеличившая.
Радуйся, горних сил похвало; радуйся, всех земнородных славо.
Радуйся, Владычице, милостивая о нас пред Богом Заступнице.
Кондак 7
Хотящим преподобным Мартирию и Кириллу во уединении подвизатися и труды и подвиги иноческими Богу угождати, путь в место вожделеваемаго подвига в столпе огненнем и гласе указала еси. Они же познавше Тя, яко Одигитрию благую, спутешествующую им, возопиша Богу: Аллилуиа.
Икос 7
Новый источник чудес в стране северней явися икона Твоя Тихвинская, Пресвятая Владычице, независтно точащий изцеления всем притекающим с верою: слепии бо прозирают, немии благоглаголиви бывают, глусии слышат, разслаблении востают, бесноватии от уз демонских свобождаются. Темже славяще Тя, возопием:
Радуйся, яко на Тебе почи благоволение Отчее; радуйся, Духом Святым осененная.
Радуйся, яко в Тебе воплотися Сын Божий, Спас миру; радуйся, совета неизреченнаго Таиннице.
Радуйся, от Ангела благовестие приимшая; радуйся, ангельским, еже радуйся, весь мир обрадовавшая.
Радуйся, яко Господь с Тобою; радуйся, яко Тобою вси земнороднии Богу приближишася.
Радуйся, Благословенная в женах; радуйся, всем женам благословение даровавшая.
Радуйся, Мати, до рождества и по рождестве пребывшая Девою; радуйся, начаток чести и славы девства.
Радуйся, Владычице, милостивая о нас пред Богом Заступнице.
Кондак 8
Странно чудо явления образа Твоего, Владычице, и несказанно, удивляет премирная и ужасает земная, вкупе же и просвещает благодатию рождшагося от Тебе Христа Бога нашего. Странно и заступление обители от врагов, хвалившихся разорити достояние Твое. Сего ради вопием Богу: Аллилуиа.
Икос 8
Вся еси в вышних, Владычице, но и нижних не оставляеши, защищающи, аки стеною и забралом, честною иконою Твоею обитель Твою. Рекла бо еси, егда бысть нашествие вражие, да возмут людие икону Твою и обыдут по стенам окрест, и узрят милость Божию. Темже избавлении Тобою от враг возопиша Тебе:
Радуйся, Мати Творца и Господа Своего; радуйся, Еяже ради младенец Иоанн взыграся во чреве Елисаветы.
Радуйся, от всех родов ублажаемая; радуйся, смирением возвышенная.
Радуйся, небесным радование и земным мир рождением Твоим даровавшая; радуйся, от Ангелов славословие, от пастырей величание, от волхвов поклонение о рождении Твоем приимшая.
Радуйся, млеком питавшая горняя и дольняя благодатию Своею Питающаго; радуйся, пеленами повившая Одевающагося светом, яко ризою.
Радуйся, носившая на руку Твоею Носящаго весь мир дланию; радуйся, во храм принесшая Священие храма.
Радуйся, Симеоном благословенная; радуйся, Анною пророчицею возвеличенная.
Радуйся, Владычице, милостивая о нас пред Богом Заступнице.
Кондак 9
Всякаго естества ангельскаго чистейши сущи, Владычице, обитель, ради пришествия Твоея иконы созданную, от нечистоты греховныя близ погибели бывшую, но покаянием очистившуюся, яко общая Молебница о роде христианском, избавила еси от врагов, по подобию нечистых животных подкопати ю трудившихся. Темже вопием Богу: Аллилуиа.
Икос 9
Витии многовещаннии недоумеют воспети по достоянию множество чудес Твоих, Владычице, и тайны Твоего строения спасения человеков: ово бо благостию, ово же посещением наказаний руководиши люди на путь спасения. Зане необориму обитель сохранивши от врагов видимых, огненным очищением благоволила еси очистити от уязвлений врага невидимаго, вразумляя, яко чистота, воздержание и молитвы сердечныя угоднее Тебе паче хвалы единых точию уст. Темже вопием Ти:
Радуйся, Египет освятившая пришествием Твоим; радуйся, Галилейскую страну прославившая пребыванием Твоим.
Радуйся, по всему Иерусалиму искавшая Отроча Твое, Егоже возлюби душа Твоя; радуйся, в дому Отца Его обретшая Его.
Радуйся, вся глаголы о Сыне Твоем слагавшая в сердце Своем; радуйся, в Сыне Твоем прежде всех познавшая Бога.
Радуйся, Сыну Твоему послужившая в земнем житии Его; радуйся, страданием Его спострадавшая.
Радуйся, при Кресте Сына Твоего усыновление Иоанна апостола и всех верующих приимшая; радуйся, Матерински возлюбившая искупленных кровию Его.
Радуйся, первее всех уразумевшая тайну воскресения Сына Твоего; радуйся, премногия радости насладившаяся в вознесении Сына Твоего на небеса.
Радуйся, Владычице, милостивая о нас пред Богом Заступнице.
Кондак 10
Спасти хотящи многия люди от обдержащих их скорбей и болезней и веру их утвердити во всесильное заступление Твое, Владычице, во многих градех, обителех, весех православныя страны силу чудотворения даровала еси изображением честныя иконы Твоея, да видяще являемую Тобою милость, вопиют со умилением Богу: Аллилуиа.
Икос 10
Стена и щит была еси, Владычице, православному воинству, под знамением Твоея иконы противу дванадесяти язык воинствовавшему, сохраняя его от стрел вражиих. Темже буди стена и покров от всех врагов видимых и невидимых и нам, ко пречестней иконе Твоей с верою и любовию припадающим и вопиющим Тебе:
Радуйся, утешение верным по вознесении Сына Твоего; радуйся, учительнице и споспешнице Апостолом.
Радуйся, извещением Твоего к Богу отшествия обрадованная; радуйся, лик ученический облаком к погребению Ти совокупльшая.
Радуйся, от земли дланьми Сына Твоего восприемлемая; радуйся, от всех ангельских чиноначалий провождаемая.
Радуйся, земное небо к горнему селению возвышенное; радуйся, престоле Господень, от земли вознесенный в Царствие Небесное.
Радуйся, воздух освятившая восхождением Твоим; радуйся, чрез Фому уверившая Твое на небо с плотию преселение.
Радуйся, ученическому лику обещание хранити его исполньшая; радуйся, присещением Твоим от Сына Твоего и Бога мир тому подавшая.
Радуйся, Владычице, милостивая о нас пред Богом Заступнице.
Кондак 11
Пение всякое побеждается, спростретися тщащеся ко множеству чудес, приснобываемых от святыя Твоея и чудотворныя иконы. Якоже бо скорая Помощница недуги исцеляеши, от бед избавляеши, от мучения демонов свобождаеши, на всяком месте с верою Тя призывающих и вопиющих Богу: Аллилуиа.
Икос 11
Светоприемную свещу зрим святую икону Твою, Богомати, во странах Тихвинских благодатию Твоею возженную, всю страну просвещающую и многих ко свету своему привлекающую на спасение душ. Темже вопием Ти:
Радуйся, сохраняти и спасати всех призывающих Тя обещавшая; радуйся, прославляющих Тя прославляющая.
Радуйся, к Сыну Твоему и Богу молитвы верных приносящая; радуйся, и Сама непрестанно у престола Сына Твоего и Бога молящаяся о всех.
Радуйся, благодать Твою иконам Твоим честным даровавшая; радуйся, всю вселенную лучами Твоея благодати озарившая.
Радуйся, честнейшая Херувим и славнейшая Серафим; радуйся, всея твари высшая.
Радуйся, Царице Неба и земли; радуйся, яко много может молитва Твоя пред Сыном Твоим.
Радуйся, всего рода христианскаго скорое заступление; радуйся, всех верных твердое упование.
Радуйся, Владычице, милостивая о нас пред Богом Заступнице.
Кондак 12
Благодати Твоея новое знамение дати восхотев, Петрову граду источник чудес отверзла еси, Богомати, в иконе Твоей, да верующии вразумляются, труждающиися и скорбящии обретают готовое прибежище и заступление и, прославляющи Бога даровавшаго таковая, вопиют Ему: Аллилуиа.
Икос 12
Поюще чудеса Твоя и милости роду нашему явленныя, умильно припадаем к пречистому образу Твоему, Владычице, и лобызающе, со страхом и любовию молим Тя: настави нас на путь спасения, да достойни будем выну Твоего милостиваго заступления, буди присно Заступница и Ходатаица о нас, вопиющих Ти:
Радуйся, верных утверждение и защищение; радуйся, неверных вразумление и просвещение.
Радуйся, отчаянных надеждо; радуйся, грешных спасение.
Радуйся, печальных утешение; радуйся, больных исцеление.
Радуйся, вдов и сирот покрове; радуйся, обидимых прибежище.
Радуйся, царей укрепление; радуйся, святителей удобрение.
Радуйся, девствующих похвало; радуйся, всех благочестивых веселие.
Радуйся, Владычице, милостивая о нас пред Богом Заступнице.
Кондак 13
О Всепетая Мати, рождшая всех святых Святейшее Слово, буди нам покров и защищение в жизни сей от врагов видимых и невидимых, от бед и скорбей, сохрани от искушений и грехопадений, и в будущей жизни, на суде Сына Твоего и Бога нашего, буди Заступница и Ходатаица, избавляющи нас от вечнаго осуждения, да спасеннии Тобою, с лики ангельскими вопием Богу: Аллилуиа.
Этот кондак читается трижды, затем икос 1- й «Ангелов лицы…» и кондак 1-й «Взбранной Воеводе…».
Молитва 1-я
О Пресвятая Дево, Мати Господа вышних сил, Небесе и земли Царице, града и страны нашея Всемощная Заступнице. Приими хвалебноблагодарственное пение сие от нас, недостойных раб Твоих, и вознеси молитвы наша ко престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостививши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя, разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша к зрению спасения, милостива нам буди зде и тамо, в стране земнаго пришельствия и на Страшнем Суде Сына Твоего; преставльшияся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори. Ты бо еси, Госпоже, слава небесных и упование земных, Ты по Бозе наша Надежда и Заступница всех притекающих к Тебе с верою. Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.
Молитва 2-я
Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниях Твоих, яже показала еси роду человеческому, наипаче же нам, христоименитым людем Российскаго народа, о нихже ниже самый ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй Святейшаго Патриарха Московскаго и всея Руси, архиереи же и вся люди, и подаждь стране победы на вся враги, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему, яко благословенна еси с рождшимся от Тебе Сыном и Богом ныне, и присно, и во веки веков. Аминь.
Текст акафиста перед иконой Божией Матери Тихвинская или Чадоподательница
Эта икона – одна из главных святынь России – пришла в нашу страну из Константинополя. Согласно преданиям, древний образ написал сам евангелист Лука. Реликвия окружена множеством легенд и историй, подтверждающих особый статус. Для царственных домов она была покровительницей, для простого народа – опорой и защитницей. Считается, что чтение акафиста иконе Божией Матери «Тихвинская» помогает во многих бедах.
История появления акафиста
Акафист является одной из частей торжественной гимнографии, посвященной иконе Богоматери Тихвинской. Она появилась в Константинополе в средние века. Некоторые считали, что образ создал сам апостол Лука. По другим источникам, образ написали по указанию византийского патриарха Германа в VIII веке. Как бы то ни было, в одном все сходятся – реликвия долгое время находилась во Влахернском храме, специально для нее построенном.
В 1383 году икона странным образом исчезла. А в далеких Новгородских землях случилось удивительное явление. Народ, живший на Ладожском озере и реках Оять и Тихвинка, видел в небе ту самую икону, пока святыня не спустилась в руки людям. Здесь очень быстро построили храм для образа. Так, за 70 лет до падения Царьграда Богоматерь указала на новую обитель православия – Русскую землю.
По иконописному типу образ относят к Одигитрии. Само изображение очень похоже на Смоленскую икону Божьей Матери. Без сомнения, реликвия является исключительным и великолепным образцом византийской иконописной школы.
Тихвинский храм Успения Богородицы стал местом паломничества для новгородцев. Через семь лет церковь сгорела, но главная его святыня – образ Богоматери – уцелела и была обнаружена рядом, в зарослях можжевельника. Чтобы сохранить реликвию, великий князь Московский, Василий III, заложил новый каменный Успенский собор.
Василий молился перед образом о даровании наследника. И Богоматерь исполнила его просьбу. У князя родился сын. Так икону стали называть «Чадоподательницей». Чуть позже, в 1547 году, сын Василия – Иван, ставший первым русским царем, прибыл на поклонение в собор перед венчанием на царство. Спустя 13 лет здесь основали мужской монастырь. Тихвинская икона приобрела статус покровительницы династии московских князей.
Когда на Новгородские земли напали шведы и окружили святую обитель в 1613 году, одному из монахов было видение. Он узрел Пречистую Богородицу, сказавшую, что инокам нечего бояться, они находятся под Ее защитой. И правда, вскоре войска неприятеля вынуждены были отступить, напуганные страшными видениями армии, идущей из Москвы.
Акафист для иконы составил выдающийся русский публицист, писатель и историк Николай Васильевич Елагин. Он происходил из старинного дворянского рода, отличался большой богобоязненностью и прекрасным образованием. Будучи знатоком церковной гимнографии, он написал несколько важных акафистов. В том числе и торжественное песнопение в честь Тихвинской иконы Богоматери, которое было принято и утверждено Святейшим Синодом в 1883 году.
На протяжении сотен лет Тихвинская икона Божией Матери хранилась в Успенском соборе, вплоть до революции, когда противостояние коммунистов и белогвардейцев ввергло страну в пучину войны. В 1924 году монастырь закрыли, а реликвию отправили в краеведческий музей, откуда ее похитили уже немцы, покидая страну после Великой Отечественной войны.
В 1950 году, после долгих странствий по Европе, русская реликвия отправилась в США, в город Чикаго, где в то время находился Свято-Троицкий собор. Местный настоятель и его приемный сын бережно сохраняли святыню в течение XX века. Только в 2004 году, в восстановленный Успенский монастырь вернулась драгоценная реликвия. Жители города были настолько счастливы возвращению святыни, что путь от площади города до собора был усыпан живыми цветами.
Когда нужно читать акафист перед Тихвинской иконой
Согласно легендам, образ неоднократно проявлял свою чудотворную силу. Это касалось как общенародных бед, таких как нападение врагов на Родину, так и частных, семейных. На самом деле, особых ограничений по тому, когда можно читать акафист, нет. Даже если просто возникло желание это сделать, смело читайте. Но есть ряд случаев, при которых, как считается, особенно помогает этот образ.
Во-первых, для защиты от недоброжелателей. Поскольку православный христианин обязан быть добросердечным и человеколюбивым, то защитить его от нападок врагов может только Господь Бог. Поэтому, чтобы избежать преследований, угнетений, физической расправы, молятся перед Тихвинским образом Богоматери.
Во-вторых, икона не зря называется «Чадоподательницей». Именно по молитвам перед ней многие, наконец-то, обретают возможность родить наследника. Люди обращаются к Пресвятой Богородице, и она дарует счастье материнства и отцовства.
Например, Кресто-Воздвиженский список Тихвинской иконы прославился уже семнадцатью случаями излечения бесплодия.
Полный текст акафиста на русском языке
Акафист читается перед иконой Богоматери Тихвинской. Молиться можно в церкви или самостоятельно – дома. Перед непосредственно акафистом читают вступительное правило, а после – песнь «Достойно есть». Важно, чтобы молящегося ничего не отвлекало.
Акафист иконе Богородицы «Тихвинская»
Конда́к 1
Взбра́нной Воево́де, Влады́чице на́шей Богоро́дице благода́рственная пе́ния воспису́ем о явле́нии чу́дныя Ея́ ико́ны, к не́йже притека́ющии при́сно избавля́ются от вра́г ви́димых и неви́димых. Ты́ же, Госпоже́ не́ба и земли́, я́ко милосе́рдая Ма́ти, приими́ ны́не ма́лое сие́ моле́ние на́ше и неотсту́пну никогда́же сотвори́ ми́лость Твою́ от на́с и заступле́ние, охраня́ющи от все́х бе́д и напа́стей на́с, зову́щих Ти́: Ра́дуйся, Влады́чице, ми́лостивая о на́с пред Бо́гом Засту́пнице.
И́кос 1
А́нгелов ли́цы ликовству́юще слу́жат Тебе́, Влады́чице, и почита́юще Тя́, на руку́ Твое́ю носи́вшую Творца́ ви́димыя и неви́димыя тва́ри, ико́ну Твою́ с ме́ста на ме́сто прено́сят. Мы́ же, земноро́днии, дивя́щеся чу́дному явле́нию ико́ны Твоея́, А́нгелы носи́мыя, вопие́м Ти́ си́це:
Ра́дуйся, все́х Небе́сных Си́л вы́сшая; ра́дуйся, вся́ а́нгельския чи́ны превосходя́щая.
Ра́дуйся, честне́йшая Херуви́м; ра́дуйся, сла́внейшая без сравне́ния Серафи́м.
Ра́дуйся, ра́дование А́нгелов; ра́дуйся, похвале́ние лико́в небе́сных.
Ра́дуйся, от А́нгелов воспева́емая; ра́дуйся, от Серафи́мов прославля́емая.
Ра́дуйся, от Арха́нгел покланя́емая; ра́дуйся, от во́инств небе́сных почита́емая.
Ра́дуйся, в ико́не Твое́й от А́нгел чти́мая; ра́дуйся, в ви́димом о́бразе Твое́м от неви́димых си́л носи́мая.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 2
Ви́дяще ры́барие над пучи́ною во́д носи́мую неви́димою си́лою и све́том подо́бно со́лнцу сия́ющую Твою́, Богома́ти, ико́ну с Предве́чным Младе́нцем, ры́барей призва́вшим на уловле́ние ми́ра в се́ти спасе́ния, возопи́ша: Аллилу́иа.
И́кос 2
Ра́зум недоразуме́нный ди́внаго явле́ния ико́ны Твоея́ разуме́ти лю́дие и́щуще, уве́деша, я́ко чти́мая в Царегра́де пречестна́я ико́на в насле́дие Росси́йскому ро́ду дарова́ся. Те́мже мы́, благодаря́ще за ми́лость Твою́ к ро́ду на́шему, вопие́м Ти́:
Ра́дуйся, Ма́ти и́стинныя Жи́зни; ра́дуйся, послуша́нием Твои́м преслуша́ние Е́вы исцели́вшая.
Ра́дуйся, затво́ренный Еде́м отве́рзшая; ра́дуйся, ми́ру яви́вшая Сокруши́теля главы́ зми́евой.
Ра́дуйся, ковче́же, Умири́теля ми́ра носи́вший; ра́дуйся, ми́р спа́сшая от потопле́ния грехо́внаго.
Ра́дуйся, ле́ствице, Е́юже сни́де Бо́г; ра́дуйся, земны́х возводя́щая на не́бо.
Ра́дуйся, мо́ре, фарао́на мы́сленнаго потопи́вшее; ра́дуйся, купино́, неопали́вшаяся все́льшимся в Тя́ огне́м Божества́.
Ра́дуйся, скрижа́ле Богопи́санная; ра́дуйся, ка́меню, во́ду жи́зни источи́вший жа́ждущим.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 3
Си́ла Вы́шняго осеня́ше страну́ Ти́хвинскую, егда́ ико́на Пречи́стыя Богома́тере, многоча́стне явля́ющися и вре́менным пребыва́нием освяща́ющи зе́млю, к воздвиза́нию хра́мов святы́х возбужда́ше, да сла́вится и́мя Влады́чицы во сла́ву Триипоста́снаго Бо́га, Ему́же вопие́м: Аллилу́иа.
И́кос 3
Иму́ще благоутро́бное изволе́ние, да лю́дие страны́ Ти́хвинския вожделе́ют пребыва́ния Твоего́ с ни́ми да па́мятуют вы́ну покро́в Тво́й, ико́ну Твою́ явля́ла еси́ многоча́стне, до́ндеже указа́ла еси́ богоизбра́нное ме́сто вселе́ния ея́. Те́мже чудя́щеся вопие́м Ти́:
Ра́дуйся, ски́ние, в Не́йже всели́ся Божество́ теле́сне; ра́дуйся, свята́я святы́х, в Ню́же еди́ною вни́де ве́чный Архиере́й.
Ра́дуйся, киво́те позлаще́нный Ду́хом, Законода́теля носи́вший; ра́дуйся, свети́льниче, огне́м Боже́ственным возжже́нный.
Ра́дуйся, ста́мно, носи́вшая ма́нну жи́зни Христа́; ра́дуйся, трапе́зо, Хле́б живо́тный вмести́вшая.
Ра́дуйся, кади́льнице у́гль Божества́ иму́щая, ми́р ве́сь облагоуха́вшая; ра́дуйся, же́зле, Цве́т прозя́бший Христа́.
Ра́дуйся, сто́лпе, к ве́чному насле́дию руководя́й; ра́дуйся, о́блаче, от вра́г ви́димых и неви́димых покрыва́яй.
Ра́дуйся, земле́ обетова́ния; ра́дуйся, руно́, на Не́же Христо́с, я́ко до́ждь сни́де с небесе́.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 4
Бу́рю смуще́ния и ско́рби утоли́ти тща́щеся, благове́рнии лю́дие взыва́ша ко Го́споду: яви́ на́м боже́ственный да́р, его́же человеколю́бно стране́ Росси́йстей посла́л еси́, не скры́й сокро́вища, и́мже душе́вную нищету́ на́шу обогати́ти наде́яхомся, претвори́ печа́ль на́шу в ра́дость, отри́ сле́зы и рыда́ния. И улучи́вше жела́емое, возопи́ша: Аллилу́иа.
И́кос 4
Слы́шав па́стырь па́ствы своея́ ра́достное обре́тение и Ма́терь Пастыренача́льника, упа́сшуюся в страна́х Ти́хвинских, устроя́ет хра́м в че́сть новоявле́нныя ико́ны Ея́, и пресви́теры учрежда́ет, да вы́ну прославля́я Богома́терь, вопию́т Е́й:
Ра́дуйся, Дщи́, у́хо приклони́вшая ко гла́су Отца́ Небе́снаго; ра́дуйся, я́ко прама́тернее се́тование разруши́ся рождество́м Твои́м.
Ра́дуйся, Неве́сто, Ея́же добро́ты вожделе́ Ца́рь Небе́сный; ра́дуйся, Цари́це, одесну́ю Царя́ предста́вшая.
Ра́дуйся, ря́сны златы́ми украше́нная и всю́ сла́ву вну́трь иму́щая; ра́дуйся, вводя́щая мно́гих в черто́г Ца́рства Небе́снаго.
Ра́дуйся, я́блоко, его́же благово́ние обоня́ет ве́сь ми́р; ра́дуйся, кри́не чистоты́, блиста́нием светя́щийся.
Ра́дуйся, ми́ро благово́нное, всему́ ми́ру излия́нное; ра́дуйся, ца́рскую порфи́ру, пло́ть Творца́ все́х, из де́вственных крове́й Твои́х истка́вшая.
Ра́дуйся, живы́й запечатле́нный исто́чниче, источи́вший Во́ду жи́зни; ра́дуйся, мы́сленный виногра́де, Гро́здь Боже́ственный возрасти́вший.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 5
Боготе́чная звезда́ яви́ся ико́на Твоя́, Богома́ти, всю́ страну́ Ти́хвинскую обтека́ющи и су́щих во тьме́ неве́жествия све́том богове́дения озаря́ющи, скорбя́щих ра́достию осиява́ющи, заблужда́ющих же на пу́ть де́лания за́поведей Сы́на Твоего́ и Бо́га наставля́ющи, Ему́ же благода́рственне вопие́м: Аллилу́иа.
И́кос 5
Ви́дев Гео́ргий на кла́де дре́ва седя́щу Жену́, же́зл червле́ный в рука́х иму́щу и све́том неизрече́нным сия́ющу, Е́йже, предстоя́, бесе́доваше ди́вный Святи́тель, позна́ чрез благоуха́ние благода́ти Тя́, Богоро́дицу, чу́вственный зра́к прии́мшую и Святи́теля Никола́я предстоя́ща Тебе́, и возопи́ со тре́петом:
Ра́дуйся, до́ме, его́же созда́ Себе́ для вселе́ния Прему́дрость Бо́жия; ра́дуйся, Де́во, Емману́ила роди́вшая.
Ра́дуйся, же́зле Иессе́ов, от него́же прозябе́ Цве́т Христо́с Бо́г; ра́дуйся, Неневе́стная Неве́сто, осене́нием Ду́ха заче́ншая Сы́на.
Ра́дуйся, сви́тче, в не́мже пе́рстом О́тчим написа́ся Сло́во; ра́дуйся, кни́го де́вства запечатле́нная, Ио́сифу на хране́ние вруче́нная.
Ра́дуйся, клеще́ та́инственная, у́гль Божества́ во чре́ве прии́мшая; ра́дуйся, престо́ле превознесе́нный, на не́мже пло́тию возсе́де Христо́с.
Ра́дуйся, о́блаче ле́гкий, на не́мже прии́де Госпо́дь сла́вы; ра́дуйся, врата́ затворе́нная, и́миже еди́н Христо́с про́йде.
Ра́дуйся, горо́ несеко́мая, от нея́же краеуго́льный ка́мень отсече́ся, Христо́с; ра́дуйся, огнеро́сная пе́ще, неопа́льно прии́мшая о́гнь Божества́.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 6
Пропове́дник бы́в ви́димаго Твоего́ пребыва́ния в стране́ Ти́хвинстей и ди́внаго промышле́ния о не́й, благочести́вый Гео́ргий явле́ние Твое́ и во́лю Твою́ лю́дем возвести́, е́йже неповину́ющиися чудесы́ вразумля́ются сла́вити Тя́, Влады́чице, и пе́ти Бо́гу: Аллилу́иа.
И́кос 6
Возсия́ти све́ту Богопозна́ния явле́нием ико́ны Твоея́ изво́лившая, и све́т и́ноческия жи́зни возжещи́ благоволи́ла еси́, Богома́ти, на ме́сте явле́ния Твоея́ ико́ны, да и́ноков ли́цы вопию́т Ти́ непреста́нно:
Ра́дуйся, непло́днаго ко́рене благопло́дное прозябе́ние; ра́дуйся, от младе́нства Бо́гу посвяще́нная.
Ра́дуйся, во святе́м хра́ме воспита́вшаяся; ра́дуйся, Бо́гу уневе́стившаяся.
Ра́дуйся, все́ми доброде́тельми преукраше́нная; ра́дуйся, светоно́сная пала́то, Влады́це угото́ванная.
Ра́дуйся, благода́тию Бо́жиею предочище́нная; ра́дуйся, от нача́ла веко́в во глави́зну на́шего спасе́ния предъизбра́нная.
Ра́дуйся, Неве́сто Архите́ктона небе́снаго, земно́му те́ктону на хране́ние вруче́нная; ра́дуйся, ма́лый Назаре́т Свои́м пребыва́нием возвели́чившая.
Ра́дуйся, го́рних си́л похвало́; ра́дуйся, все́х земноро́дных сла́ва.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 7
Хотя́щим преподо́бным Марти́рию и Кири́ллу во уедине́нии подвиза́тися и труды́ и по́двиги и́ноческими Бо́гу угожда́ти, пу́ть в ме́сто вожделева́емаго по́двига в столпе́ о́гненнем и гла́се указа́ла еси́. Они́ же позна́вше Тя́, я́ко Одиги́трию благу́ю, спутьше́ствующую и́м, возопи́ша Бо́гу: Аллилу́иа.
И́кос 7
Но́вый исто́чник чуде́с в стране́ се́верней яви́ся ико́на Твоя́ Ти́хвинская, Пресвята́я Влады́чице, незави́стно точа́щий исцеле́ния все́м притека́ющим с ве́рою: слепи́и бо прозира́ют, неми́и благоглаго́ливи быва́ют, глуси́и слы́шат, разсла́бленнии возстаю́т, разли́чными неду́ги одержи́мии здра́ви быва́ют, беснова́тии от у́з де́монских свобожда́ются. Те́мже сла́вяще Тя́, вопие́м:
Ра́дуйся, я́ко на Тебе́ почи́ благоволе́ние О́тчее; ра́дуйся, Ду́хом Святы́м осене́нная.
Ра́дуйся, я́ко в Тебе́ воплоти́ся Сы́н Бо́жий, Спа́с ми́ру; ра́дуйся, сове́та неизрече́ннаго Таи́ннице.
Ра́дуйся, от А́нгела благове́стие прии́мшая; ра́дуйся, а́нгельским, е́же ра́дуйся, ве́сь ми́р обра́довавшая.
Ра́дуйся, я́ко Госпо́дь с Тобо́ю; ра́дуйся, я́ко Тобо́ю вси́ земноро́днии Бо́гу прибли́жишася.
Ра́дуйся, Благослове́нная в жена́х; ра́дуйся, все́м жена́м благослове́ние дарова́вшая.
Ра́дуйся, Ма́ти, до рождества́ и по рождестве́ пребы́вшая Де́вою; ра́дуйся, нача́ток че́сти и сла́вы де́вства.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 8
Стра́нно чу́до явле́ния о́браза Твоего́, Влады́чице, и несказа́нно, удивля́ет преми́рная и ужаса́ет земна́я, вку́пе же и просвеща́ет благода́тию ро́ждшагося от Тебе́ Христа́ Бо́га на́шего. Стра́нно и заступле́ние оби́тели от враго́в, хвали́вшихся разори́ти достоя́ние Твое́. Сего́ ра́ди вопие́м Бо́гу: Аллилу́иа.
И́кос 8
Вся́ еси́ в вы́шних, Влады́чице, но и ни́жних не оставля́еши, защища́ющи, а́ки стено́ю и забра́лом, честно́ю ико́ною Твое́ю оби́тель Твою́. Рекла́ бо еси́, егда́ бы́сть наше́ствие вра́жие, да во́змут лю́дие ико́ну Твою́ и обы́дут по стена́м о́крест, и у́зрят ми́лость Бо́жию. Те́мже изба́вленнии Тобо́ю от вра́г возопи́ша Тебе́:
Ра́дуйся, Ма́ти Творца́ и Го́спода Своего́; ра́дуйся, Ея́же ра́ди младе́нец Иоа́нн взыгра́ся во чре́ве Елисаве́ты.
Ра́дуйся, смире́нием возвы́шенная; ра́дуйся, от все́х родо́в ублажа́емая.
Ра́дуйся, небе́сным ра́дование и земны́м ми́р рожде́нием Твои́м дарова́вшая; ра́дуйся, от А́нгелов славосло́вие, от па́стырей велича́ние, от волхво́в поклоне́ние о рожде́нии Твое́м прии́мшая.
Ра́дуйся, млеко́м пита́вшая го́рняя и до́льняя благода́тию Свое́ю Пита́ющаго; ра́дуйся, пелена́ми пови́вшая Одева́ющагося све́том, я́ко ри́зою.
Ра́дуйся, носи́вшая на руку́ Твое́ю Нося́щаго ве́сь ми́р дла́нию; ра́дуйся, во хра́м прине́сшая Свяще́ние хра́ма.
Ра́дуйся, Симео́ном благослове́нная; ра́дуйся, А́нною проро́чицею возвели́ченная.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 9
Вся́каго естества́ а́нгельскаго чисте́йши су́щи, Влады́чице, оби́тель, ра́ди прише́ствия Твоея́ ико́ны созда́нную, от нечистоты́ грехо́вной бли́з поги́бели бы́вшую, но покая́нием очи́стившуюся, я́ко о́бщая Моле́бница о ро́де христиа́нстем, изба́вила еси́ от враго́в, по подо́бию нечи́стых живо́тных подкопа́ти ю́ труди́вшихся. Те́мже вопие́м Бо́гу: Аллилу́иа.
И́кос 9
Вети́я многовеща́нныя недоуме́ют воспе́ти по достоя́нию мно́жество чуде́с Твои́х, Влады́чице, и та́йны Твоего́ строе́ния спасе́ния челове́ков: о́во бо бла́гостию, о́во же посеще́нием наказа́ний руково́диши люде́й на пу́ть спасе́ния. Зане́ необори́му оби́тель сохрани́вши от враго́в ви́димых, о́гненным очище́нием благоволи́ла еси́ очи́стити от уязвле́ний врага́ неви́димаго, вразумля́я, я́ко чистота́, воздержа́ние и моли́твы серде́чныя уго́днее Тебе́ па́че хвалы́ еди́ных то́чию у́ст. Те́мже вопие́м Ти́:
Ра́дуйся, Еги́пет освяти́вшая прише́ствием Твои́м; ра́дуйся, Галиле́йскую страну́ просла́вившая пребыва́нием Твои́м.
Ра́дуйся, по всему́ Иерусали́му иска́вшая Отроча́ Твое́, Его́же возлюби́ душа́ Твоя́; ра́дуйся, в дому́ Отца́ Его́ обре́тшая Его́.
Ра́дуйся, вся́ глаго́лы о Сы́не Твое́м слага́вшая в се́рдце Свое́м; ра́дуйся, в Сы́не Твое́м пре́жде все́х позна́вшая Бо́га.
Ра́дуйся, Сы́ну Твоему́ послужи́вшая в земне́м житии́ Его́; ра́дуйся, страда́нием Его́ спострада́вшая.
Ра́дуйся, при Кресте́ Сы́на Твоего́ усыновле́ние Иоа́нна апо́стола и все́х ве́рующих прии́мшая; ра́дуйся, Матери́нски возлюби́вшая искупле́нных кро́вию Его́.
Ра́дуйся, пе́рвее все́х уразуме́вшая та́йну воскресе́ния Сы́на Твоего́; ра́дуйся, премно́гия ра́дости наслади́вшаяся в вознесе́нии Сы́на Твоего́ на небеса́.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 10
Спасти́ хотя́щи мно́гия лю́ди от обдержа́щих и́х скорбе́й и боле́зней и ве́ру и́х утверди́ти во всеси́льное заступле́ние Твое́, Влады́чице, во мно́гих граде́х, оби́телех, ве́сех правосла́вныя страны́ си́лу чудотворе́ния дарова́ла еси́ изображе́нием честны́я ико́ны Твоея́, да ви́дяще явля́емую Тобо́ю ми́лость, вопию́т со умиле́нием Бо́гу: Аллилу́иа.
И́кос 10
Стена́ и щи́т была́ еси́, Влады́чице, правосла́вному во́инству, под зна́менем Твоея́ ико́ны проти́ву два́десяти язы́к во́инствовавшему, сохраня́я его́ от стре́л вра́жиих. Те́мже бу́ди стена́ и покро́в от все́х враго́в ви́димых и неви́димых и на́м, ко пречестне́й ико́не Твое́й с ве́рою и любо́вию припа́дающим и вопию́щим Тебе́:
Ра́дуйся, утеше́ние ве́рным по вознесе́нии Сы́на Твоего́; ра́дуйся, учи́тельнице и споспе́шнице Апо́столом.
Ра́дуйся, извеще́нием Твоего́ к Бо́гу отше́ствия обра́дованная; ра́дуйся, ли́к учени́ческий о́блаком к погребе́нию Ти́ совоку́пльшая.
Ра́дуйся, от земли́ дла́ньми Сы́на Твоего́ восприе́млемая; ра́дуйся, от все́х а́нгельских чинонача́лий провожда́емая.
Ра́дуйся, земно́е не́бо к го́рнему селе́нию возвыше́нное; ра́дуйся, престо́ле Госпо́день, от земли́ вознесе́нный в Ца́рствие Небе́сное.
Ра́дуйся, возду́х освяти́вшая восхожде́нием Твои́м; ра́дуйся, чрез Фому́ уве́рившая Твое́ на не́бо с пло́тию преселе́ние.
Ра́дуйся, учени́ческому ли́ку обеща́ние храни́ти его́ испо́лньшая; ра́дуйся, присеще́нием Твои́м от Сы́на Твоего́ и Бо́га ми́р тому́ пода́вшая.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 11
Пе́ние вся́кое побежда́ется, спростре́тися тща́щееся ко мно́жеству чуде́с, приснобыва́емых от святы́я Твоея́ и чудотво́рныя ико́ны. Я́коже бо ско́рая Помо́щница неду́ги исцеля́еши, от бе́д избавля́еши, от муче́ния де́монов свобожда́еши, на вся́ком ме́сте с ве́рою Тя́ призыва́ющих и вопию́щих Бо́гу: Аллилу́иа.
И́кос 11
Светоприе́мную свещу́ зри́м святу́ю ико́ну Твою́, Богома́ти, во страна́х Ти́хвинских благода́тию Твое́ю возже́нную, всю́ страну́ просвеща́ющую и мно́гих ко све́ту своему́ привлека́ющую на спасе́ние ду́ш. Те́мже вопие́м Ти́:
Ра́дуйся, сохраня́ти и спаса́ти все́х призыва́ющих Тя́ обеща́вшая; ра́дуйся, прославля́ющих Тя́ прославля́ющая.
Ра́дуйся, к Сы́ну Твоему́ и Бо́гу моли́твы ве́рных принося́щая; ра́дуйся, и Сама́ непреста́нно у престо́ла Сы́на Твоего́ и Бо́га моля́щаяся о все́х.
Ра́дуйся, благода́ть Твою́ ико́нам Твои́м честны́м дарова́вшая; ра́дуйся, всю́ вселе́нную луча́ми Твоея́ благода́ти озари́вшая.
Ра́дуйся, честне́йшая Херуви́м и сла́внейшая Серафи́м; ра́дуйся, всея́ тва́ри вы́сшая.
Ра́дуйся, Цари́це Не́ба и земли́; ра́дуйся, я́ко мно́го мо́жет моли́тва Твоя́ пред Сы́ном Твои́м.
Ра́дуйся, всего́ ро́да христиа́нскаго ско́рое заступле́ние; ра́дуйся, все́х ве́рных тве́рдое упова́ние.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 12
Благода́ти Твоея́ но́вое зна́мение да́ти восхоте́в, Петро́ву гра́ду исто́чник чуде́с отве́рзла еси́, Богома́ти, в ико́не Твое́й, да ве́рующии вразумля́ются, тружда́ющиися и скорбя́щии обрета́ют гото́вое прибе́жище и заступле́ние и, прославля́ющи Бо́га дарова́вшаго такова́я, вопию́т Ему́: Аллилу́иа.
И́кос 12
Пою́ще чудеса́ Твоя́ и ми́лости ро́ду на́шему явле́нныя, уми́льно припа́даем к пречи́стому о́бразу Твоему́, Влады́чице, и лобыза́юще, со стра́хом и любо́вию мо́лим Тя́: наста́ви на́с на пу́ть спасе́ния, да досто́йни бу́дем вы́ну Твоего́ ми́лостиваго заступле́ния, бу́ди при́сно Засту́пница и Хода́таица о на́с, вопию́щих Ти́:
Ра́дуйся, ве́рных утвержде́ние и защище́ние; ра́дуйся, неве́рных вразумле́ние и просвеще́ние.
Ра́дуйся, отча́янных наде́ждо; ра́дуйся, гре́шных спасе́ние.
Ра́дуйся, печа́льных утеше́ние; ра́дуйся, больны́х исцеле́ние.
Ра́дуйся, вдо́в и сиро́т покро́ве; ра́дуйся, оби́димых прибе́жище.
Ра́дуйся, царе́й укрепле́ние; ра́дуйся, святи́телей удобре́ние.
Ра́дуйся, де́вствующих похвало́; ра́дуйся, все́х благочести́вых весе́лие.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 13
О Всепе́тая Ма́ти, ро́ждшая все́х святы́х Святе́йшее Сло́во, бу́ди на́м покро́в и защище́ние в жи́зни се́й от враго́в ви́димых и неви́димых, от бе́д и скорбе́й, сохрани́ от искуше́ний и грехопаде́ний, и в бу́дущей жи́зни, на суде́ Сы́на Твоего́ и Бо́га на́шего, бу́ди Засту́пница и Хода́таица, избавля́ющи на́с от ве́чнаго осужде́ния, да спасе́ннии Тобо́ю, с ли́ки а́нгельскими вопие́м Бо́гу: Аллилу́иа.
(Этот конда́к чита́ется три́жды, зате́м и́кос 1- й и конда́к 1-й).
И́кос 1
А́нгелов ли́цы ликовству́юще слу́жат Тебе́, Влады́чице, и почита́юще Тя́, на руку́ Твое́ю носи́вшую Творца́ ви́димыя и неви́димыя тва́ри, ико́ну Твою́ с ме́ста на ме́сто прено́сят. Мы́ же, земноро́днии, дивя́щеся чу́дному явле́нию ико́ны Твоея́, А́нгелы носи́мыя, вопие́м Ти́ си́це:
Ра́дуйся, все́х Небе́сных Си́л вы́сшая; ра́дуйся, вся́ а́нгельския чи́ны превосходя́щая.
Ра́дуйся, честне́йшая Херуви́м; ра́дуйся, сла́внейшая без сравне́ния Серафи́м.
Ра́дуйся, ра́дование А́нгелов; ра́дуйся, похвале́ние лико́в небе́сных.
Ра́дуйся, от А́нгелов воспева́емая; ра́дуйся, от Серафи́мов прославля́емая.
Ра́дуйся, от Арха́нгел покланя́емая; ра́дуйся, от во́инств небе́сных почита́емая.
Ра́дуйся, в ико́не Твое́й от А́нгел чти́мая; ра́дуйся, в ви́димом о́бразе Твое́м от неви́димых си́л носи́мая.
Ра́дуйся, Влады́чице, ми́лостивая о на́с пред Бо́гом Засту́пнице.
Конда́к 1
Взбра́нной Воево́де, Влады́чице на́шей Богоро́дице благода́рственная пе́ния воспису́ем о явле́нии чу́дныя Ея́ ико́ны, к не́йже притека́ющии при́сно избавля́ются от вра́г ви́димых и неви́димых. Ты́ же, Госпоже́ не́ба и земли́, я́ко милосе́рдая Ма́ти, приими́ ны́не ма́лое сие́ моле́ние на́ше и неотсту́пну никогда́же сотвори́ ми́лость Твою́ от на́с и заступле́ние, охраня́ющи от все́х бе́д и напа́стей на́с, зову́щих Ти́: Ра́дуйся, Влады́чице, ми́лостивая о на́с пред Бо́гом Засту́пнице.
Моли́тва пе́рвая
О Пресвята́я Де́во, Ма́ти Го́спода вы́шних си́л, Небесе́ и земли́ Цари́це, гра́да и страны́ на́шея Всемо́щная Засту́пнице. Приими́ хвалебноблагода́рственное пе́ние сие́ от на́с, недосто́йных ра́б Твои́х, и вознеси́ моли́твы на́ша ко престо́лу Бо́га Сы́на Твоего́, да ми́лостив бу́дет непра́вдам на́шим и проба́вит бла́гость Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты́ уми́лостивиши Его́ о на́с, Влады́чице, я́ко вся́ Тебе́ от Него́ возмо́жна су́ть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши на́с моля́щихся Тебе́, осени́ на́с вседержа́вным покро́вом Твои́м и испроси́ у Бо́га Сы́на Твоего́ па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим стра́х Бо́жий, скорбя́щим благоду́шие, ра́дующимся воздержа́ние, все́м же на́м ду́х ра́зума и благоче́стия, ду́х милосе́рдия и кро́тости, ду́х чистоты́ и пра́вды. Е́й, Госпоже́ Пресвята́я, умилосе́рдися на немощны́я лю́ди Твоя́, разсе́янныя собери́, заблу́ждшия на пу́ть пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на все́х на́с призре́нием ми́лостиваго Твоего́ заступле́ния, воздви́гни на́с из глубины́ грехо́вныя и просвети́ серде́чныя о́чи на́ша к зре́нию спасе́ния, ми́лостива на́м бу́ди зде́ и та́мо, в стране́ земна́го прише́льствия и на Стра́шнем Суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со а́нгелы и со все́ми святы́ми жи́ти сотвори́. Ты́ бо еси́, Госпоже́, сла́ва небе́сных и упова́ние земны́х, Ты́ по Бо́зе на́ша Наде́жда и Засту́пница все́х, притека́ющих к Тебе́ с ве́рою. Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и дру́г дру́га и ве́сь живо́т на́ш предае́м, ны́не и при́сно и во ве́ки веко́в. Ами́нь.
Моли́тва втора́я
Благодари́м Тя́, о Преблага́я и Пречи́стая, Преблагослове́нная Де́во, Влады́чице, Ма́ти Христа́ Бо́га на́шего, о все́х благодея́ниях Твои́х, я́же показа́ла еси́ ро́ду челове́ческому, наипа́че же на́м, христоимени́тым лю́дем Росси́йскаго наро́да, о ни́хже ниже́ са́мый а́нгельский язы́к к похвале́нию дово́лен бу́дет, я́коже и ны́не удиви́ла еси́ неизрече́нную Свою́ ми́лость на на́с, недосто́йных рабе́х Твои́х, преесте́ственным самоприше́ствием пречи́стыя Твоея́ ико́ны, е́юже всю́ просвети́ла еси́ Росси́йскую страну́. Те́мже и мы́, гре́шнии, со стра́хом и ра́достию покланя́ющеся, вопие́м Ти́: о Пресвята́я Де́во, Цари́це и Богоро́дице, спаси́ и поми́луй Святе́йшаго Патриа́рха Моско́вскаго и всея́ Руси́, архиере́и же и вся́ лю́ди, и пода́ждь стране́ побе́ды на вся́ враги́, и сохрани́ вся́ гра́ды и страны́ христиа́нския, и се́й святы́й хра́м от вся́каго наве́та вра́жия изба́ви, и все́м вся́ на по́льзу да́руй, ны́не прише́дшим с ве́рою и моля́щимся рабо́м Твои́м, и покланя́ющимся пресвято́му о́бразу Твоему́, я́ко благослове́нна еси́ с ро́ждшимся от Тебе́ Сы́ном и Бо́гом ны́не, и при́сно, и во ве́ки веко́в. Ами́нь.
Молитва для завершения
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Правила чтения
Акафист читают в праздничный день, 26 июня, чтобы прославить и воспеть священный образ Богоматери. По благословению священника, иногда хвалебный текст вычитывают на протяжении 40 дней, ежедневно. Но для такого труда нужно сначала посоветоваться с батюшкой. В некоторых храмах существует традиция читать акафисты каждое воскресенье, возможно, молящимся будет удобно присоединиться к церковной пастве.
Можно читать акафист самостоятельно, по собственному желанию, если чувствуется в этом духовная потребность или нет никакой возможности пообщаться со священником. Других особенных правил по чтению песнопения не существует. Все требования те же, что и для других образцов данной категории гимнографии.