акафист трем оптинским братиям на пасху убиенным читать
Акафист трем оптинским братиям на пасху убиенным читать
О, преславнии новомученицы Оптинстии Василие, Ферапонте и Трофиме, Оптины пустыни трисиянное украшение! Вы от ночи безверия во свет Христовы веры призвани бысте. В Оптину пустынь, яко к заре восходящей притекли есте, и тамо, яко елени жаждущии, от изобильных источников учений старческих напоилися есте, слезами покаяния землю сердца омывше, подвижническия плоды Подателю Воды Живыя принесли есте.
Показать полностью. Вы, яко работники единонадесятаго часа, в вердоград старчества пришедше, мир отвергли и страстей умерщвлением себе живопогребли есте и в краткое время сладкий плод мученичества возделали.
Ныне же во свете Воскресшаго Христа ликующе, испросите нам: серца в милости люботруднаго, хранения ума в целомудрии, в вере утверждения и духовного рачения, да возставше от гробов нерадения, воспоем и прославим тридневно возставшаго от гроба Христа Жизнодавца ныне и присно и во веки веков. Аминь.
О, тричисленнии преподобномученицы Оптинстии Василие, Ферапонте и Трофиме, Христа Воскресшаго добропобеднии поборницы! Вы, яко агнцы, заклании бысте в день Пасхи Господней и самих себе в жертву живую Святей Троице принесосте, в обители Оптинстей у гробов старческих упасостеся и учением их, яко сладким былием, вскормлени бысте. Услышите нас ныне у ваших гробов предстоящих и вашим подвигом озаряемых. Испросите у Воскресшаго Христа страстей наших умерщвление и ревности по Бозе оживление.
Вы за мученический подвиг свой нетленными венцами десницею Христовою венчастеся, яко страсти Его сопричастницы бысте, отонудуже и радости Воскресения Его общницы явистеся. Мы же в страстех безчестия погребеннии и путами многоразличных грехов связуемии, вне Чертого Брачнаго обретаемся и радости Вечери Пасхальнаго Агнца, увы, лишаемся. Но с теплою молитвою к вам обращаемся яко ко старшим братиям и дерзновенным предстателем нашим. Умолите Христа Бога нашего притупити смерти жало – греховные страсти наша и низпослати в сердца наша, яко в Кувуклию, Огнь победоносныя радости Воскресения Христова, да объятии пламенем сим возможем препобедити греховную тьму настоящего века и светоносно исповедати Христа Воскресшаго, всегда, ныне и присно и до скончания века. Аминь.
Подобен: Да возвеселятся небесная:
Да веселятся иноческая воинства, / да радуется старцев Оптинских собрание, / яко на Пасху добропобеднии агнцы / в Оптиной заклашася, / иже язвами своими уязвиша демонская воинства, / и мучителево посрамившее рачение, / меченосно в райская села вселишася, / идеже молятся Христу Богу / спастися душам нашим.
Подобен: Аще и во гроб снишел еси:
Аще и во гробы снизшли есте на Пасху, / но небо души ваша прияло есть, / и воскресосте со Христом, яко Его ради умертвистеся, / и адову посрамисте власть. / Темже на браке Агнчем ликуете, / всерадостную воспевающе песнь: / Христос Воскресе из мертвых, / падшим подаяй воскресение.
Молитва Оптинским новомученикам Василию, Трофиму и Ферапонту
На сегодняшний день существует большое количество различных молитв, каждая из которых очень сильна. Однако поистине мощными считаются молитвы тем Святым, которые отдали жизнь служению Господу Иисусу Христу и погибли во имя Веры. В статье мы расскажем вам о великих Святых и о молитве Оптинским новомученикам Василию, Трофиму и Ферапонту.
В чем помогает молитва Оптинским новомученикам?
Новомученики Трофим, Ферапонт и Василий в православной вере являются образцом истинного благочестия и духовности во всем мире. Молитва помогает людям в решении многих вопросов:
Читать молитву Оптинским новомученикам следует в полной гармонии ума и тела. Необходимо тщательно настроиться на молитвенный текст, осознавая важность каждого слова. Чтение молитвы рекомендуется проводить утром, сразу после пробуждения. Когда ум еще не занялся решением материальных вопросов. Тогда ваши молитвы будут услышаны.
Текст молитвы
О достоблаженные и приснопамятные мученики за Христа, Спасителя нашего, преподобные отцы Оптинстии: Василие, Трофиме и Ферапонте! Услышите сие моление наше, о пречудные страдальцы, зрящие ныне Пресвятую Троицу! Испросите нам у Господа Вседержителя терпения и благодатного подкрепления в скорбех и болезнех многоразличных, угашения страстей, мир и тишину сердцам нашим. Ибо скоро преклоняется на Ваше ходатайство Господь, пред Которым кровь ваша мученическая сияет яко россыпь алмазная и благоухает паче ладана. Ей, угодники Божии, любимцы Христовы, не оставьте нас, но наставляйте всегда на путь истинный. И да молитвами вашими не вселится в нас дух антихристов во дни лютых испытаний. И да молитвами вашими сподобимся внити в Нетленные Чертоги Царствия Небеснаго, где купно с вами будем славить и воспевать всечестное и великолепное имя Отца и Сына и Святаго Духа ныне и присно и во веки веков. Аминь
История возникновения молитвы
Праздник Пасхи Христовой, состоявшийся около двадцати лет назад, является для религиозных людей грустным праздником. Тогда, в Оптиной пустыне, была пролита кровь тех людей, которые пришли на землю для ее очищения и одухотворения: отцы Василий, Трофим и Ферапонт. Трое мучеников, чья кровь обагрила землю, стали ангелами, дарующими благодать просящим по их заслугам и добродетелям. Молитва Оптинским новомученикам очень популярна, поражая своей силой и действенностью.
Акафист трем оптинским братиям на пасху убиенным читать
Кондак 1
Избранным от Бога и венец мученичества приявшим, кровиею своею верность Христу Владыце нашему запечатлевшим, вам, о преподобные страдальцы Оптинстии, яко дерзновенным предстателям нашим пред Престолом Божиим, ныне усердное моление приносящее, с неизреченной радостию взываем:
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Икос 1
Ангельстии чины прославиша Единаго во Святей Троице Жизнодавца Бога нашего, видя предуготованное вам служение неотмирное, мы же радуяся таковому о вас дивному смотрению Божию, возгласим сице:
Радуйтеся, сокровища мира нивочтоже вменившие.
Радуйтеся, Владыку Христа всею душою возлюбившие.
Радуйтеся, родных ради Него оставившие, и во обитель Оптинскую притекшии,
Радуйтеся, подвиг смирения на себя подъявшии.
Радуйтеся, тишину и кротость в сердцах своих стяжавшии.
Радуйтеся, благоуханные цветы сада Христова.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Кондак 2
Виде Господь расположение сердец ваших нести с радостью благое иго Христово, от юности хранил вас во благочестии и чистоте. Научите же и нас блюсти сердца наша и воспевати Богу: Аллилуиа.
Икос 2
Разумом свыше богато одарен бысть, отче наш Василие, Оптинская похвало, еще до времени вступления в обитель, творения писателей суемудренных отвергл еси, и к Божественному Писанию потщался еси, такожде и нас вразуми, вопиющих тебе таковая:
Радуйся, при рождении Игорем нареченный, святому князю Игорю Черниговскому в вере и благочестии подражавый.
Радуйся, якоже и той, был прилежный читатель духовных книг и в пении учен.
Радуйся, в иноческом постриге в честь святителя Василия Великаго названный.
Радуйся, молитвами его дар написания Божественных песнопений получивый.
Радуйся, ангельский образ с именем Василия Блаженного восприявый.
Радуйся, подобно ему вся красная мира отвергать душу свою научивый.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Кондак 3
Силы Небесныя удивившася, како Бог собра вас, отцы святые, из разных градов в Великую Оптину, дабы прославить вас в лике мучеников тричисленных, соедененных навеки; мы же глубину Промысла Его постигнуть не могущее, воспоим Ему: Аллилуиа.
Икос З
Имущее родители твои, отче Трофиме, помыслы недоумения и отчаянья, слыша двухлетний, неумолкающий вопль твой по рождении. Егда же крестиша тя в храме Божием, совершишася чудо: преста крик твой в той же час, и сердце твое младенческое объят веселие. Избави же и нас от уныния, глаголющих ти сице:
Радуйся, пребывая в миру, метания и мучения душевные претерпел еси, пока не обрел Бога.
Радуйся, в день Алексия, Человека Божия рожденный, явился истинный раб Божий.
Радуйся, по пришествии твоем в Оптину Пустынь вражьи искушения победив, твердо решивший не отступать от святыни.
Радуйся, в иночестве Трофимом названный был еси, питомец Оптинских Старцев ревностный показался еси.
Радуйся, печаль от людских сердец отгонял еси.
Радуйся, быв постником великим, ото всех сумевший скрыть сие.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Икос 4
Слышавше зов Господень, святый отче Ферапонте, решительно рек знаемым своим: «Больше вы меня не увидите на этой земле, пока не буду прощен Богом». Мы же, почитающе силу веры твоея, ублажаем тя:
Радуйся, во многих ремеслах искусен был, но по смирению своему сокрыл сие.
Радуйся, воином умелым в войске земном почитаем был еси, ратником мужественным Царя Небеснаго соделался еси.
Радуйся, молитвеннче сугубый, Сладчайшаго Иисуса неумолчно призывал еси.
Радуйся, наставления святых отцов о покаянии на деле исполнял еси.
Радуйся, в подвиге ночных молений плоть умерщвлял еси.
Радуйся, очи свои долу всегда держал еси.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Кондак 5
Боготечней звезде уподобилися есте, новомученицы Оптинстии, Василие, Трофиме и Ферапонте, егда поняли тлен и суету мира сего, и возложили всецелое упование на Владыку своего Господа Иисуса Христа, Его же восхвалим богокрасною песнью; Аллилуиа.
Кондак 6
Проповедницы заповедей евангельских были есте, на деле исполняя их. Видели в ближних образ Христов, и стремились облегчить скорби людские, воспевая праведно Пресвятей Троице: Аллилуиа.
Икос 6
Возсияли яко пресветлые звезды среди святых угодников Божиих, преподобные Василие, Трофиме и Ферапонте, всегда имея в душе Пасху Христову, и озаряя всех вокруг благодатными ея лучами. Испросите же и нам сию Пасхальную радость, возглашающим вам таковая;
Радуйтеся, укоризны различные благодушно приемшие.
Радуйтеся, никогда же злобу на кого державшие.
Радуйтеся, за чистоту вашу дара прозорливости удостоившиеся,
Радуйтеся, благодатию Божиею никого не осуждавшие.
Радуйтеся, мир и тишину в души свои стяжавшие.
Радуйтеся, ревностиею своею о Боге, сердца людей ко спасению возжигавшие.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Кондак 7
Хотение единое имели есте, достоблажененые отцы наши, еже благоугождати Господу, тем самым послушливы были во всем властям монастырским, разумея, что через них творится воля Божия, темже уготовали души свои для Царствия Небеснаго, где ныне со Ангелы и всеми святыми взываете Богу: Аллилуиа.
Икос 7
Новое и преславное чудо совершалось по вере твоей, отче Трофиме, егда каждую Пасху ты разговлялся прошлогодним яйцом, бывшим наисвежайшим. Таковую же веру непоколебимую имели и вы, дивные Василие и Ферапонте, укрепите же в ней и нас, восклицающих таковая:
Радуйтеся, терпеливцы великие.
Радуйтеся, вся помышления своя в Горнее Отечество устремлявшие.
Радуйтеся, блаженства вечнаго достигшие,
Радуйтеся, пристрастия всяческие отсекшие.
Радуйтеся, благолепие дома Божия возлюбившие.
Радуйтеся, ризы свои кровиею своею убелившие.
Радуйтеся, преподобно мученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Кондак 8
Странно было видеть и слышать различные знамения, предуказывающие испытание страшное для Оптиной Пустыни, иноцы которой день и ночь поют Богу: Аллилуиа.
Икос 8
Весь в себя ушел, отче Василие, творя молитву Иисусову, и все, кто встречал тебя, помышляли, что видят ангела, так ты был тих. Лики же ваши, Трофиме и Ферапонте пречудные, озарялись уже неземным светом. Мы же, разумея сие, со трепетом взываем:
Радуйтеся, благоухание нездешних селений обонявшие,
Радуйтеся, дыхание вечности ощущавшие.
Радуйтеся, праведно жизнь свою совершившие.
Радуйтеся, образ самоотвержения нам показавшие.
Радуйтеся, яко мудрые девы, Жениха Христа встретившие.
Радуйтеся, в Царство Небесное невозбранно вошедшие.
Радуйтеся, преподобномученицы Оптинстии, Василие, Трофиме Ферапонте, скорые ходатаи за всех, с верой к вам притекающих.
Кондак 9
Вси иноцы и благоговейные богомольцы возрыдали есте, узнав о убиении вашем, вы же, пребывая под покровом своих послушаний, до последнего вздоха пели Богу: Аллилуиа.
Икос 9
Витийство человеческое умолкает от ужаса содеяннаго, егда кровавый убийца дерзостно, презрев Праздник Святой Пасхи, занес руку свою на вас, отцы святые, обагрив кинжал кровиею вашей праведной; мы же сквозь слезы радостно возопиим:
Радуйтеся, на Пасху под колокольный звон души свои Богу предавшие.
Радуйтеся, добре подвиг свой совершившие.
Радуйтеся, монахов похвало
Радуйтеся, до конца молитву на устах и в сердце сохранившие.
Радуйтеся, кровиею своею землю Оптинскую обильно полившие.
Радуйтеся, плач о вас радостию Пасхальной растворившие.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Кондак 10
Спасительными подвигами бдения, поста и молитвы души свои предочистивши, таинственно извещались от Господа о скором отшествии вашем из мира бреннаго. Вы же помышляя о сем, Отцу Небесному взывали: Аллилуиа.
Икос 10
Заря огненная возсия над Оптиной, егда кровь ваша святая драгоценным бисером достигла Небес. Вспоминая небывалое явление сие, людие со благоговением восклицают вам сицевая:
Радуйтеся, тричисленная жертва, угодная Богу.
Радуйтеся, дивной кончиной своей многих юношей и дев к монашеству подвигшие.
Радуйтеся, Ангелов возвеселившие.
Радуйтеся, полчища бесовские посрамившие.
Радуйтеся, чашу страданий до дна испившие.
Радуйтеся, яко молния мытарства миновавшие.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Кондак 11
Пение Пасхальное звучаша при погребении вашем, святии Василие, Трофиме и Ферапонте, и торжеством наполняли души слова святаго Иоанна Златоуста: «смерть, где твое жало; ад, где твоя победа». И христиане в восторге пели Богу: Аллилуиа.
Икос 11
Светло было на сердцах верных, хотя потеря ваша невосполнима. Помня же, что честь великая для любящих Бога отойти к Нему на Пасху, двойная же честь пострадать за Него в сей день, все мы прославим вас, глаголющи таковая:
Радуйтеся, верные рабы Христовы.
Радуйтеся, память ваша в род и род.
Радуйтеся, благодатную помощь и скорое исцеление подающие.
Радуйтеся, родных ваших к вере обратившие.
Радуйтеся, молитве усердной нас научающие.
Радуйтеся, в скорбех и напастех тихо утешающие.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих.
Кондак 12
Благодати дар и веру крепкую и несумненную испросите нам у Вседержителя Христа, блаженные Василие, Трофиме и Ферапонте, удобно бо преклоняется Он на моление ваше; и да сподобимся мы заступлением вашим внити в Нетленный Чертог, где ныне вы со всеми святыми славите Бога победною песнью: Аллилуиа.
Икос 12
Поюще с любовию житие ваше и кончину многострадальную, велегласно взываем вам:
Радуйтеся, истинные послушники, никогдаже на послушание возроптавшие.
Радуйтеся, души свои за ближних полагавшие.
Радуйтеся, боголюбцы и братолюбцы преискрениии.
Радуйтеся, в простоте житие монашеское проходившие.
Радуйтеся, к немощам людским снисходившие.
Радуйтеся, никого никогда не отринувшие.
Радуйтеся, преподобномученицы Оптинстии, Василие, Трофиме и Ферапонте, скорые ходатаи за всех, с верой к вам притекающих
Кондак 13
О святые и непорочные преподобномученицы Оптинстии, Василие, Трофиме и Ферапонте! Услышите сие моление и воздыхание наше, и испросите у Царя Небеснаго нам смирения, послушания, всегдашнее памятование о смерти и прощение грехов наших; да вашими молитвами внидем в радость Господа нашего Иисуса Христа, где купно с вами сподобимся воспевать Ему: Аллилуйя.
Сей Кондак читается трижды, затем 1-й Икос и 1-й Кондак.
Молитва святым преподобномученикам Оптинским, на Пасху убиенным, Василию, Трофиму и Ферапонту
О достоблаженные и приснопамятные мученики за Христа, Спасителя нашего, преподобные отцы Оптинстии: Василие, Трофиме и Ферапонте! Услышите сие моление наше, о пречудные страдальцы, зрящие ныне Пресвятую Троицу!
Испросите нам у Господа Вседержителя терпения и благодатного подкрепления в скорбех и болезнех многоразличных, угашения страстей, мир и тишину сердцам нашим. Ибо скоро преклоняется на ваше ходатайство Господь, пред Которым кровь ваша мученическая сияет яко россыпь алмазная и благоухает паче ладана. Ей, угодники Божии, любимцы Христовы, не оставьте нас, но наставляйте всегда на путь истинный. И да молитвами вашими не вселится в нас дух антихристов во дни лютых испытаний. И да молитвами вашими сподобимся внити в Нетленные Чертоги Царствия Небеснаго, где купно с вами будем славить и воспевать всечестное и великолепное имя Отца и Сына и Святаго Духа ныне и присно и во веки веков. Аминь
На Пасху 1993 года были убиты три монаха монастыря — иеромонах Василий и иноки Ферапонт и Трофим. Все трое были поражены в сердце длинным кинжалом с надписями на ручке «666», «сатана». Через 6 дней был арестован их убийца, Николай Аверин. Он был признан невменяемым, и помещен в лечебницу закрытого типа, где находится и сейчас. В честь убиенных монахов построена часовня.
Тропарь святым преподобномученикам Оптинским Василию священноиноку, Ферапонту и Трофиму
(†1993, память 5 апреля), глас 4 (составлен о. Максимом (Плякиным): От слуги диаволя убиени бысте, / славнии служителие Христовы, / Василие священне, Ферапонте и Трофиме, / и подвиги своя преподобническия мученическими венцы скончавшия, / в горния обители вселистеся / и дерзновение велие у Владыки всех стяжали есте. / Темже молим вас: / в молитвах своих святых у Престола Всевышняго / поминайте нас, совершающих память вашу.
Преподобномучеников Оптинских, на Пасху убиенных
Тропарь, глас 6 (опубликован вместе с акафистом):
Земныя Церкви жертва Богу тричисленная, / преподобные мученики Оптинстии, / богомудрый Василие, милосердный Трофиме и молитвенниче всеславный Ферапонте, / монахов похвало и Православия удобрение, / с лики Ангел предстоите вы, ликуя, Престолу Пресвятыя Троицы. / Сию молите, да просветит нас радостию Пасхальною, / подаст оставление согрешений наших // и велию милость.
ТРОПАРЬ (иерей Константин Качалов) гл.8
Христа Бога всем сердцем своим возлюбившие/, прелести мира сего нивочтоже вменившие/, козни диавола и страсти молитвою, бдением и постом благодатию Божиею победившие/, кровию своею на Святую Пасху пролитою народу русскому путь к духовному возрождению и спасению в годы смятения указавшие/, венцами мученическими в Царствии Небеснем от Господа увенчавшиеся/, святие новомученицы Оптинские Василие, Ферапонте и Трофиме/ молитеся ко Господу/ помиловатися душам нашим/.
Преподобномученикам общий тропарь, глас 4:
Боже отец наших, / творяй присно с нами по Твоей кротости, / не остави милость Твою от нас, / но молитвами их / в мире управи живот наш.
Общий кондак, глас 2:
Волнений множество невлажно проходяще, безплотныя враги струями слез ваших крепко погрузили есте, богомудрии и преподобнии мученицы: и чудес дар приимше, молите непрестанно о всех нас.
Величание: Ублажаем вас, / преподобнии мученицы, / и чтем святую память вашу, / наставницы монахов / и собеседницы ангелов.
Акафист трем оптинским братиям на пасху убиенным читать
АКАФИСТ ТРЕМ НОВОМУЧЕНИКАМ ОПТИНСКИМ ИЕРОМОНАХУ ВАСИЛИЮ, ИНОКАМ ТРОФИМУ И ФЕРАПОНТУ
КОНДАК №1
Избрании Христом Богом на путь монашеского жития отцы святии Василие, Ферапонте и Трофиме; узким путем за Великим Крестоносцем последовавшии, иго Христово благое и бремя Его легкое на себе понесшие, венцами мученическими увенчавшиеся и в вечный покой вшедшии, не забудьте и нас братий ваших меньших с благодарением к вам взывающих:
Радуйтеся трие новомученицы Оптинские, Христа распятаго и воскресшаго проповедницы.
ИКОС №1
Ангельским житием на земли пожившие, подвигом веры в обители старцев Оптинских просиявшие, житию их подражавшие, кротости и смирению от Христа научившиеся, в невечернем дне Царствия Божия пред Живоначальной Троицей ныне предстоящие услышите нас в мире сем лукавом помощи просящих и в молитве к вам вопиющих таковая:
Радуйтеся, велие дерзновение у престола Божия снискавшие;
Радуйтеся, единую благую и спасительную волю Божию исполнить желавшие;
Радуйтеся, сосуды благодати Божией избранные;
Радуйтеся, Победителем смерти оправданные;
Радуйтеся, бесценный бисер Христа обретшие;
Радуйтеся, колосья пшеницы Господней созревшие;
Радуйтеся, вся красная мира сего нивочтоже вменившие;
Радуйтеся, козни диавола и плотские страсти победившие;
Радуйтеся, души свои на алтарь Божий возложившие;
Радуйтеся, не токмо житием, но и смертию своею нас в вере укрепившие;
Радуйтеся, в день Пасхи Господней яко агнцы Божии закланные;
Радуйтеся, на брачный пир Сына Божия призванные;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №2
Видя лукавство мира сего во зле лежащего и государства «замки на песке строившего», с совестию своею вразрез идти не пожелавшие, смысл жизни в Боге и с Богом обретшие, Самим Христом на путь истинный наставленные, с радостию мир сей оставившие, и в обитель Оптину стопы своя направившие, научаете нас воспевати Богу: Аллилуиа.
ИКОС №2
Однажды Воскресшего Христа сретившие и ризы Его коснувшиеся, иного жития, кроме иноческого не пожелавшие, первые насельницы возрождающейся обители явилися есте, труды и подвиги по восстановлению оныя яко крест Богом данный приявшие и нас во смирении научаете благодарственно воспевати вам сице:
Радуйтеся, послушанием Христу угодившие;
Радуйтеся, усердными работниками в вертограде Христовом себя явившие;
Радуйтеся, покаянием и частою исповедию сердца от скверны греховней очищавшие;
Радуйтеся, и нам сие творити не токмо словом, но паче делом завещавшие;
Радуйтеся, на ниве Христовой поработати пришедшие;
Радуйтеся, за труды свои в Царствие Божие вшедшие;
Радуйтеся, Иисусову молитву непрестанно творившие;
Радуйтеся, с сею молитвою Христа в сердцах своих носившие; Радуйтеся, Духа Святого стяжавшие;
Радуйтеся, жизни свои за Христа отдавшие;
Радуйтеся, евангельски на земле пожившие;
Радуйтеся, подвигом веры безбожие обличившие;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №3
Веруя яко много может молитва праведного поспешествуема во благое у могил Оптинских старцев молишася об укреплении в решении узким путем шествовати, просвещенные же Духом Святым мир сей оставили и горнего Отечества достигнути желая воспели благодарственную песнь Богу: Аллилуиа.
ИКОС №3
Имея в сердцах своих благое намерение работати Господеви со страхом и трепетом, вооружилися противу страстей, мира сего и диавола, послушанием преслушание Адамово в ветхом человеке победити стараясь, предались трудам во славу Божию, тем самым воли Божией исполнителями соделавшись, сему вашему доброму житию внимая, и мы благодарственно воспеваем вам сице:
Радуйтеся, не о земном, а о небесном помышлявшие;
Радуйтеся, плоть свою со страстьми и похотьми распявшие;
Радуйтеся, учители Священного Писания;
Радуйтеся, делатели Святых отцов Предания;
Радуйтеся, ересей и расколов искоренители;
Радуйтеся, заблудших овец с Церковью примирители;
Радуйтеся, о смертном часе всегда помышлявшие;
Радуйтеся, на Пасху Господню умереть мечтавшие;
Радуйтеся, обетов монашеских исполнители;
Радуйтеся, чистоты веры православныя ревнители;
Радуйтеся, талантами многими от Бога вам данными просиявшие;
Радуйтеся, венцы нетленные в Царстве Небесном приявшие;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №4
Вся суетная и ложная в мире сем безбожном уразумеша, на рало руки свои возложиша и вспять уже николиже обращахуся, яко истинные пахари нивы Христовой, трудам иноческим предаша ся, молитву и подвиги не яве, а тайно творяше, не человеческой славы искаше, а в душах и телесех своих Господа прославляюще, воспели хвалебную песнь Богу: Аллилуиа.
ИКОС №4
Обитель святая, некогда покаявшимся разбойником Оптою основанная, и житием старческим прославившаяся, трудами и молитвами новых делателей иноческого жития и вашими из руин и пепла возрождашася, и всему миру о стремлении народа русского к святости напоминаше, подвигающе всех нас восхваляти вас сице:
Радуйтеся, трие звезды на небосводе святости;
Радуйтеся, яко молитвами вашими мы сподобляемся радости;
Радуйтеся, постническим житием плоть свою умертвившие;
Радуйтеся, сему деланию мнози люди научившие;
Радуйтеся, в невидимой брани иноцы необоримые;
Радуйтеся, монаси всех любящие и всеми любимые;
Радуйтеся, души свои в руци Божии предавшие;
Радуйтеся, обидящих вас прощавшие;
Радуйтеся, православныя веры защитницы;
Радуйтеся, семена Божией житницы;
Радуйтеся, монашеского жития доблии руководители;
Радуйтеся, милостивии наши благотворители;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №5
Добродетельми многими в обители Оптиной просиявшие, о блаженстве вечном в Царстве Небесном праведников и муках адских нераскаявшихся грешников всегда помышлявшие, житие свое в руци Божии предавшие, яко светила указуете нам путь к Солнцу Правды Христу Богу и научаете нас пети Ему: Аллилуиа.
ИКОС №5
Доблии воини Христовы, аки богатыри былинные на страже Руси Православней стоящие, подвигом добрым мужественно подвизавшиеся, покаянием и слезами души свои очистившие, Телом и Кровию Христовою в таинстве Евхаристии напитанные, терпением, смирением и кротостью украсившиеся, примите от нас недостойных похвалы таковая:
Радуйтеся, нищету духовную возлюбившие;
Радуйтеся, в простоте сердца яко монаси пожившие;
Радуйтеся, слезами одежды души убелившие;
Радуйтеся, кротостию землю в наследие получившие;
Радуйтеся, алчущие и жаждущие правды, яко насытилися;
Радуйтеся, милостивые, яко к Богу приблизилися;
Радуйтеся, чистые сердцем, яко Бога узрели;
Радуйтеся, миротворцы, яко сынами Божиими стать сумели;
Радуйтеся, миром сим за правду гонимые;
Радуйтеся, стяжавшие блага незримые;
Радуйтеся, яко мученичеством веселие в райских селениях обретшие;
Радуйтеся, по лествице ведущей в небо шедшие;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №6
Трудами многими в мире достигше почестей, и уразумев тщетность славы человеческой, воли Божией исполнителем соделался еси отче Василие, и таланты тебе Богом данные не закопал еси, но еще более приобрел еси, посему носителем Духа старцев Оптинских явился еси, глубокою проповедию и духовными стихами к покаянию народ русский призывая и нас в суете житейской мятущихся научаеши воспевати Богу: Аллилуиа.
ИКОС №6
Ведая яко пастырство, есть сугубое со Христом сораспятие, ты отче Василие приял еси сей крест безропотно и многим ищущим утешения, яко пастырь добрый помогл еси, врачуя души пасомых благодатию Божией в тебе обильно почивающей, мы же тебе вместе с Трофимом и Ферапонтом иноками благодарственно воспеваем сице:
Радуйтеся, мученическою кровию своею омытые;
Радуйтеся, верными чадами Церкви не забытые;
Радуйтеся, древних мучеников подражатели;
Радуйтеся, жития со Христом и во Христе искатели;
Радуйтеся, яко вашими молитвами мы скорбей избавляемся;
Радуйтеся, яко оными мы радости духовной исполняемся;
Радуйтеся, яко у ваших могилок мы душей оживаем;
Радуйтеся, яко со Христом живя мы не умираем;
Радуйтеся, возлюбленные дети Господни;
Радуйтеся, победители темных сил преисподней;
Радуйтеся, душ наших присные врачеватели;
Радуйтеся, благ духовных щедрые раздаятели;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №7
Телесную красоту и силу нивочтоже вменил еси, скромностию и молчаливостию украсился еси, в иноческом чине Господеви поработати возжелал еси, в Оптину пустынь для делания духовного направился еси отче Ферапонте, где с прочиею братией в послушании потрудился еси, и от Господа венец мученический вместе с Василием и Трофимом прияти сподобился еси научая нас пети Богу: Аллилуиа.
ИКОС №7
Яко же и отцы Василие и Трофиме ты отче Ферапонте из творений святых отцов книжной премудрости поучался еси, каждому слову внимая и исполнить прочтенное стараясь, в обители Оптиной молитву Иисусову с земными поклонами творя мир Христов обрел еси, и яко скорый на помощь в молитве тебе призывающих прими вместе с братиями-мучениками от нас похвалы таковая:
Радуйтеся, трие отрасли лозы Христовой добродетелями прозябшие;
Радуйтеся, души свои в руцы Божии предавшие;
Радуйтеся, Торжество Православия утверждающие;
Радуйтеся, и по смерти никого не оставляющие;
Радуйтеся, тесными вратами в Царствие Божие вшедшие;
Радуйтеся, блага земные Христа ради отвергшие;
Радуйтеся, Заповеди Божии исполнившие;
Радуйтеся, на небесех число святых отцев пополнившие;
Радуйтеся, мужественно искушения преодолевшие;
Радуйтеся, за короткое время мног плод сотворити успевшие;
Радуйтеся, светильницы на свещнице Божией возженные;
Радуйтеся, молитвою и постом преображенные;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №8
Божьим миром зело увлеченный, к Самому Творцу любовию воспламенился еси отче Трофиме, в каждом человеке образ Божий разумея, ради ближних своих в поте лица трудился еси, милосердием и состраданием среди братии выделяясь в радость ко Господу вшел еси вопиющи Богу: Аллилуиа.
ИКОС №8
Горячо ревнуя о просвещении светом Христовой истины в таинстве крещения близких своих, ты отче Трофиме и по смерти продолжаеши святыми своими молитвами приводити людей ко спасительным таинствам в Церковь Божию, за таковую любовь твою к люду непросвещённому и мы ти вместе с Ферапонтом и Василием предстоящими в сонме мучеников у престола Божия благодарственно воспеваем сице:
Радуйтеся, красоту церковную возлюбившие;
Радуйтеся, в храм Божий всегда на молитву спешившие;
Радуйтеся, в деле спасения нам помогающие;
Радуйтеся, кающихся грешников никогда не отвергающие;
Радуйтеся, горних обителей наследницы;
Радуйтеся, иноческого жития исповедницы;
Радуйтеся, Оптиной пустыни монахи смиренные;
Радуйтеся, на Святую Пасху за Христа убиенные;
Радуйтеся, радость духовную познавшие;
Радуйтеся, мнози люди в вере воспитавшие;
Радуйтеся, незлобивии серцем приятели;
Радуйтеся, в скорбях утешения податели;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №9
Звонари искусные отцы святии Феропонте и Трофиме, радость Воскресения Христова миру возвещавшие, яко созревшие колосья пожаты бысте, и от трудов земных вместе с отцем Василием в обители Небесные Пасху Красную праздновати призванные, ныне же вси трие пред Святою Троицею предстоящие, научаете нас пети Богу: Аллилуиа.
ИКОС №9
Опытно познав яко любы жертвенна есть, не убоялися есте креста Богом вам данного и, стяжавши сию добродетель, Богу уподобилися есте, кровию своею не токмо души свои убелившие, но и наши сердца каменные растопившие, посему мы вопием вам с любовию таковая:
Радуйтеся, подвижницы благочестия;
Радуйтеся, обличители зла и нечестия;
Радуйтеся, истину усердно искавшие;
Радуйтеся, в Боге смысл жизни познавшие;
Радуйтеся, мир душевный обретшие;
Радуйтеся, в святой обители духовно окрепшие;
Радуйтеся, свободу во Христе нашедшие;
Радуйтеся, в селения Небесныя вшедшие;
Радуйтеся, уставов Церковных ревнители;
Радуйтеся, догматов Церкви исполнители;
Радуйтеся, о смертном часе помышлявшие;
Радуйтеся, любовь Христову стяжавшие;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №10
Пред огненным искушением видением преподобного Амвросия утешенный отче Василие, выю свою Господеви преклонил еси, памятуя слова Спасителя: «Иже бо аще хощет душу свою спасти, погубит ю; а иже погубит душу свою Мене ради и Евангелия, той спасет ю. » и на заклание вместе с Ферапонтом и Трофимом последовал еси, воспевая песнь Богу: Аллилуиа.
ИКОС №10
В Оптиной пустыни мнози плоды сотворили есте труженики Христови отцы Василие, Ферапонте и Трофиме, но еще более плодотворите по смерти вашея возвещая миру яко «у Бога нет мертвых, у Бога все живы», сего ради нас в православии укрепляете и научаете воспевати вам сице:
Радуйтеся, свято на земли пожившие;
Радуйтеся, житием своим Господа возвеселившие;
Радуйтеся, земнии странници;
Радуйтеся, Божии избранници;
Радуйтеся, столпи Православия;
Радуйтеся, низложители тщеславия;
Радуйтеся, Божия Матери почитатели;
Радуйтеся, горнего мира искатели;
Радуйтеся, не себе, а Богу угождавшие;
Радуйтеся, за Христа пострадавшие;
Радуйтеся, гордыни победители;
Радуйтеся, злых нравов искоренители;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №11
Древний змий ненавистью к роду человеческому разжигаемый, вас иноков Христовых в день Светлого Христова Воскресения зверски слугою своим поражает, тем самым агонию свою возвещая, мы же имея вас яко Ангелов на Небесех, Победителю смерти победную песнь воспеваем: Аллилуиа.
ИКОС №11
Веруем, яко душами своими в обителех райских почиваете, телесами же нетленными воскресение мертвых прежде всеобщего воскресения возвещаете, на Пасху Христову разбойнически закланные новомученицы Оптинские Василие, Феропонте и Трофиме и нас грешных не оставляйте воспевающих вам сице:
Радуйтеся, яко к покаянию приводите грешники мнози;
Радуйтеся, яко молитвы ваша утверждают в нас ревность по Бозе;
Радуйтеся, святых отцов наследницы;
Радуйтеся, безмолвнии Воскресения проповедницы;
Радуйтеся, яко могилы ваша благоухают;
Радуйтеся, яко кресты ваша миро источают;
Радуйтеся, времени неподвластные;
Радуйтеся, Церкви Христовой чада прекрасные;
Радуйтеся, яко имена ваша написаны на Небесех;
Радуйтеся, яко от греховного сна пробуждаете всех;
Радуйтеся, веяниям века не покорившиеся;
Радуйтеся, с Богом и в Боге раскрывшиеся;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №12
Благодать Божию обильно на вас излиянную сведущии, разумеем, яко сила Божия в немощи человеческой совершается, посему вам яко проповедникам Воскресения Христова благодарственно вопием и к бесконечному милосердию Божию к роду человеческому в радости и веселии взываем: Аллилуиа.
КОНДАК №13
О преславнии и треблаженнии новомученицы Оптинские Василие, Ферапонте и Трофиме, яко агнцы на Пасху закланные и в радость к Пастыреначальнику и Победителю смерти вшедшие, кровию своею землю русскую освятившие и надежду воскресения и возрождения Святой Руси возвестившие; испросите нам у Всещедрого Бога в вере укрепление, в надежде на спасение жития нашего исправление, в любви нелицемерной ко Творцу и людям, и даже врагам подражателями вам быти. Трие новомученицы Христовы у престола Божия молитеся избавитеся нам вечных мук, сподобитеся в Царствии Небеснем вместе с вами воспевати песнь Триединому Богу:
Аллилуиа, Аллилуиа, Аллилуиа.
(Этот кондак читается трижды, затем икос 1 и кондак 1)
ИКОС №1
Ангельским житием на земли пожившие, подвигом веры в обители старцев Оптинских просиявшие, житию их подражавшие, кротости и смирению от Христа научившиеся, в невечернем дне Царствия Божия пред Живоначальной Троицей ныне предстоящие услышите нас в мире сем лукавом помощи просящих и в молитве к вам вопиющих таковая:
Радуйтеся, велие дерзновение у престола Божия снискавшие;
Радуйтеся, единую благую и спасительную волю Божию исполнить желавшие;
Радуйтеся, сосуды благодати Божией избранные;
Радуйтеся, Победителем смерти оправданные;
Радуйтеся, бесценный бисер Христа обретшие;
Радуйтеся, колосья пшеницы Господней созревшие;
Радуйтеся, вся красная мира сего нивочтоже вменившие;
Радуйтеся, козни диавола и плотские страсти победившие;
Радуйтеся, души свои на алтарь Божий возложившие;
Радуйтеся, не токмо житием, но и смертию своею нас в вере укрепившие;
Радуйтеся, в день Пасхи Господней яко агнцы Божии закланные;
Радуйтеся, на брачный пир Сына Божия призванные;
Радуйтеся трие новомученицы Оптинские, Христа распятаго и воскресшаго проповедницы.
КОНДАК №1
Избрании Христом Богом на путь монашеского жития отцы святии Василие, Ферапонте и Трофиме; узким путем за Великим Крестоносцем последовавшии, иго Христово благое и бремя Его легкое на себе понесшие, венцами мученическими увенчавшиеся и в вечный покой вшедшии, не забудьте и нас братий ваших меньших с благодарением к вам взывающих:
Радуйтеся трие новомученицы Оптинские, Христа распятаго и воскресшаго проповедницы.