апостол к римлянам 100 зачало
Апостол на церковно-славянском. Послание к Римлянам святого апостола Павла
КЪ РИ
ГлавA №
(Зачaло о7f) П avелъ, рaбъ ї>съ хrт0въ, звaнъ ґпcлъ, и3збрaнъ въ бlговёстіе б9іе,
в7 є4же прeжде њбэщA прbрHки свои1ми въ писaніихъ с™hхъ,
г7 њ сн7э своeмъ, бhвшемъ t сёмене дв7дова по пlти,
д7 наречeннэмъ сн7э б9іи въ си1лэ, по д¦у с™hни, и3з8 воскrніz t мeртвыхъ, ї>са хrтA гDа нaшегw,
є7 и4мже пріsхомъ блгdть и3 ґпcлство въ послушaніе вёры во всёхъ kзhцэхъ, њ и4мени є3гw2,
ѕ7 въ ни1хже є3стE и3 вы2, звaни ї>су хrтY:
з7 всBмъ сyщымъ въ ри1мэ возлю1блєннымъ бGу, зв†ннымъ с™ы6мъ: (За?.) блгdть вaмъ и3 ми1ръ t бGа nц7A нaшегw, и3 гDа ї>са хrтA.
и7 Пeрвое ќбw благодарю2 бGа моего2 ї>сомъ хrт0мъ њ всёхъ вaсъ, ћкw вёра вaша возвэщaетсz во всeмъ мjрэ:
f7 свидётель бо ми2 є4сть бGъ, є3мyже служY дyхомъ мои1мъ во бlговэствовaніи сн7а є3гw2, ћкw безпрестaни пaмzть њ вaсъ творю2,
‹ всегдA въ моли1твахъ мои1хъ молsсz, ѓще ќбw когдA поспёшенъ бyду в0лею б9іею пріити2 къ вaмъ:
№i желaю бо ви1дэти вaсъ, да нёкое подaмъ вaмъ даровaніе дух0вное, ко ўтверждeнію вaшему:
в7i сіe же є4сть, соутёшитисz въ вaсъ вёрою џбщею, вaшею же и3 моeю.
г7i Не хощy же не вёдэти вaмъ, брaтіе, ћкw мн0жицею восхотёхъ пріити2 къ вaмъ, и3 возбранeнъ бhхъ досeлэ, да нёкій пл0дъ и3мёю и3 въ вaсъ, ћкоже и3 въ пр0чихъ kзhцэхъ.
є7i тaкw є4сть, є4же по моемY ўсeрдію и3 вaмъ сyщымъ въ ри1мэ благовэсти1ти.
ѕ7i Не стыжyсz бо бlговэствовaніемъ хrт0вымъ: си1ла бо б9іz є4сть во спcніе всsкому вёрующему, їудeови же прeжде и3 є4ллину.
з7i Прaвда бо б9іz въ нeмъ kвлsетсz t вёры въ вёру, ћкоже є4сть пи1сано: првdный же t вёры жи1въ бyдетъ.
и7i (За? п7) Tкрывaетсz бо гнёвъ б9ій съ нб7сE на всsкое нечeстіе и3 непрaвду человёкwвъ, содержaщихъ и4стину въ непрaвдэ:
f7i занE разyмное б9іе ћвэ є4сть въ ни1хъ, бGъ бо kви1лъ є4сть и5мъ:
к7 неви6димаz бо є3гw2, t создaніz мjра творeньми помышлsєма, ви6дима сyть, и3 пrносyщнаz си1ла є3гw2 и3 бжcтво2, во є4же бhти и5мъ без8tвBтнымъ.
к7а Занeже разумёвше бGа, не ћкw бGа прослaвиша и3ли2 благодари1ша, но њсуети1шасz помышлє1ніи св0ими, и3 њмрачи1сz неразyмное и4хъ сeрдце:
к7в глаг0лющесz бhти мyдри, њб8юродёша,
к7г и3 и3змэни1ша слaву нетлённагw бGа въ под0біе w4браза тлённа человёка и3 пти1цъ и3 четверонHгъ и3 г†дъ:
к7д тёмже и3 предадE и5хъ бGъ въ п0хотехъ сердeцъ и4хъ въ нечистотY, во є4же скверни1тисz тэлесє1мъ и4хъ въ себЁ самёхъ:
к7є и5же премэни1ша и4стину б9ію во лжY, и3 почт0ша и3 послужи1ша твaри пaче творцA, и4же є4сть блгcвeнъ во вёки, ґми1нь.
к7ѕ Сегw2 рaди предадE и5хъ бGъ въ стр†сти безчeстіz: и3 жєнh бо и4хъ и3змэни1ша є3стeственную под0бу въ през8естeственную:
к7з тaкожде и3 мyжіе, њстaвльше є3стeственную под0бу жeнска п0ла, разжег0шасz п0хотію своeю дрyгъ на дрyга, мyжи на мужeхъ стyдъ содэвaюще, и3 возмeздіе, є4же подобaше прeлести и4хъ, въ себЁ воспріeмлюще.
к7и (За? п7а) И# ћкоже не и3скуси1ша и3мёти бGа въ рaзумэ, (сегw2 рaди) предадE и5хъ бGъ въ неискyсенъ ќмъ, твори1ти неподHбнаz,
к7f и3сп0лненыхъ всsкіz непрaвды, блужeніz, лукaвства, лихоимaніz, ѕл0бы: и3сп0лненыхъ зaвисти, ўбjйства, рвeніz, льсти2, ѕлонрaвіz:
л7 шепотники2, клеветники2, богомє1рзки, досади1тєли, велич†вы, гHрды, њбрэтaтєли ѕлhхъ, роди1телємъ непокори6вы,
л7в Нёцыи же и3 њправдaніе б9іе разумёвше, ћкw такwвaz творsщіи дост0йни смeрти сyть, не т0чію сaми творsтъ, но и3 соизволsютъ творsщымъ.
Апостол на церковно-славянском. Послание к Римлянам святого апостола Павла
КЪ РИ
ГлавA в7i
(Зачaло Rи) М олю2 u5бо вaсъ, брaтіе, щедр0тами б9іими, предстaвите тэлесA в†ша жeртву жи1ву, с™у, бlгоуг0дну бGови, словeсное служeніе вaше,
в7 и3 не соwбразyйтесz вёку семY, но преwбразyйтесz њбновлeніемъ ўмA вaшегw, во є4же и3скушaти вaмъ, что2 є4сть в0лz б9іz бlгaz и3 ўг0днаz и3 совершeннаz.
г7 Глаг0лю бо блгdтію дaвшеюсz мнЁ, всsкому сyщему въ вaсъ не мyдрствовати пaче, є4же подобaетъ мyдрствовати: но мyдрствовати въ цэломyдріи, коемyждо ћкоже бGъ раздэли1лъ є4сть мёру вёры.
д7 (За? Rf) Ћкоже бо во є3ди1нэмъ тэлеси2 мнHги ќды и4мамы, ќды же вси2 не т0жде и4мутъ дёланіе,
є7 тaкожде мн0зи є3ди1но тёло є4смы њ хrтЁ, ґ по є3ди1ному дрyгъ дрyгу ќди.
ѕ7 (За? Ri) И#мyще же даров†ніz по блгdти дaннэй нaмъ разли6чна: ѓще прbр0чество, по мёрэ вёры:
з7 ѓще ли служeніе, въ служeніи: ѓще ўчsй, во ўчeніи:
и7 ѓще ўтэшazй, во ўтэшeніи: подавazй, въ простотЁ: предстоsй, со тщaніемъ: ми1луzй, съ д0брымъ и3зволeніемъ.
f7 Любы2 нелицемёрна: ненави1дzще ѕлaгw, прилэплsйтесz бlг0му:
‹ братолю1біемъ дрyгъ ко дрyгу любeзни: чeстію дрyгъ дрyга б0лша творsще:
№i тщaніемъ не лэни1ви, дyхомъ горsще, гDви раб0тающе:
в7i ўповaніемъ рaдующесz, скHрби терпsще, въ моли1твэ пребывaюще:
г7i трeбованіємъ с™hхъ приwбщaющесz, страннолю1біz держaщесz:
д7i благословлsйте гонsщыz вы2: благослови1те, ґ не клени1те.
є7i Рaдоватисz съ рaдующимисz, и3 плaкати съ плaчущими.
ѕ7i Т0жде дрyгъ ко дрyгу мyдрствующе: не высHкаz мyдрствующе, но смирeнными ведyщесz: не бывaйте мyдри њ себЁ:
з7i ни є3ди1ному же ѕлA за ѕло2 воздаю1ще, промышлsюще дHбраz пред8 всёми человBки.
и7i Ѓще возм0жно, є4же t вaсъ, со всёми человBки ми1ръ и3мёйте.
f7i Не себE tмщaюще, возлю1бленіи, но дади1те мёсто гнёву. Пи1сано бо є4сть: мнЁ tмщeніе, ѓзъ воздaмъ, гlетъ гDь.
к7 Ѓще u5бо ѓлчетъ врaгъ тв0й, ўхлёби є3го2: ѓще ли жaждетъ, нап0й є3го2: сjе бо творS, ќгліе џгнено собирaеши на главY є3гw2.
к7а Не побэждeнъ бывaй t ѕлA, но побэждaй бlги1мъ ѕл0е.
Апостол к римлянам 100 зачало
На церковно-славянском языке гражданским шрифтом
Послание к римляномъ святаго апостола павла
Зачало 79.
1 Павел, раб иисус христов, зван апостол, избранъ в благовестие божие,
2 еже прежде обеща пророки своими в писаниихъ святых,
3 о сыне своем, бывшем от семене давидова по плоти,
4 нареченнем сыне божии в силе, по духу святыни, из воскресния от мертвых, иисуса христа господа нашего,
5 имже прияхом благодать и апостольство в послушание веры во всех языцех, о имени его,
6 в нихже есте и вы, звани иисусу христу:
7 всем сущим в риме возлюбленным богу, званным святым: благодать вам и мир от бога отца нашего, и господа иисуса христа.
8 Первое убо благодарю бога моего иисусомъ христом о всех вас, яко вера ваша возвещается во всем мире:
9 свидетель бо ми есть бог, емуже служу духом моим во благовествовании сына его, яко безпрестани память о вас творю,
10 всегда в молитвах моих моляся, аще убо когда поспешен буду волею божиею приити к вам:
11 желаю бо видети вас, да некое подам вамъ дарование духовное, ко утверждению вашему:
12 сие же есть, соутешитися в вас верою общею, вашею же и моею.
13 Не хощу же не ведети вам, братие, яко множицею восхотех приити к вам, и возбраненъ бых доселе, да некий плод имею и в вас, якоже и в прочих языцех.
14 еллином же и варвавом, мудрым же и неразумнымъ должен есмь:
15 тако есть, еже по моему усердию и вам сущим в риме благовестити.
16 Не стыжуся бо благовествованием христовым: сила бо божия есть во спасние всякому верующему, иудеови же прежде и еллину.
17 Правда бо божия в нем является от веры в веру, якоже есть писано: праведный же от веры жив будет.
18 (Зачало 80) открывается бо гнев божий с небесе на всякое нечестие и неправду человеков, содержащихъ истину в неправде:
19 зане разумное божие [еже возможно разумети о бозе] яве есть в них, бог бо явилъ есть им:
20 невидимая бо его, от создания мира твореньми помышляема, видима суть, и присносущная сила его и божество, во еже быти им безответным.
21 Занеже разумевше бога, не яко бога прославиша или благодариша, но осуетишася помышлении своими, и омрачися неразумное их сердце:
22 глаголющеся быти мудри, объюродеша,
23 и измениша славу нетленнаго бога в подобие образа тленна человека и птиц и четвероногъ и гад:
24 темже и предаде их бог в похотех сердецъ их в нечистоту, во еже сквернитися телесемъ их в себе самех:
25 иже премениша истину божию во лжу, и почтоша и послужиша твари паче творца, иже есть благословен во веки, аминь.
26 Сего ради предаде их бог в страсти безчестия: и жены бо их измениша естественную подобу в презъестественную:
27 такожде и мужие, оставльше естественную подобу женска пола, разжегошася похотию своею друг на друга, мужи на мужех студ содевающе, и возмездие, еже подобаше прелести их, въ себе восприемлюще.
28 (Зачало 81) И якоже не искусиша имети бога в разуме, (сего ради) предаде их бог в неискусенъ ум, творити неподобная,
29 исполненых всякия неправды, блужения, лукавства, лихоимания, злобы: исполненых зависти, убийства, рвения, льсти, злонравия:
30 шепотники, клеветники, богомерзки, досадители, величавы, горды, обретатели злых, родителемъ непокоривы,
31 неразумны, непримирителны, нелюбовны, неклятвохранителны, немилостивны.
32 Нецыи же и оправдание божие разумевше, яко таковая творящии достойни смерти суть, не точию сами творят, но и соизволяют творящим.
1 Сего ради безответен еси, о, человече всяк судяй: имже бо судом судиши друга, себе осуждаеши, таяжде бо твориши судяй.
2 Вемы же, яко суд божий есть поистинне на творящих таковая.
3 Помышляеши ли же сие, о, человече, судяй таковая творящим и творя сам таяжде, яко ты избежиши ли суда божия,
4 или о богатстве благости его и кротости и долготерпении нерадиши, не ведый, яко благость божия на покаяние тя ведетъ?
5 По жестокости же твоей и непокаянному сердцу, собираеши себе гнев в день гнева и откровения праведнаго суда божия,
6 иже воздаст коемуждо по делом его:
7 овым убо, по терпению дела благаго, славы и чести и нетления ищущим, живот вечный:
8 а иже по рвению противляются убо истине, повинуются же неправде, ярость и гнев.
9 Скорбь и теснота на всяку душу человека творящаго злое, иудеа же прежде и еллина.
10 Слава же и честь и мир всякому делающему благое, иудееви же прежде и еллину.
11 Несть бо на лица зрения у бога.
12 елицы бо беззаконно [без закона] согрешиша, беззаконно [без закона] и погибнут: и елицы в законе согрешиша, законом суд приимут:
13 не слышателие бо закона праведни пред богом, но творцы закона, сии оправдятся:
14 (Зачало 82) егда бо языцы, не имуще закона, естеством законная творят, сии, закона не имуще, сами себе суть закон:
15 иже являют дело законное написано въ сердцах своих, спослушествующеи им совести, и между собою помыслом осуждающим или отвещающим,
16 в день, егда судит бог тайная человеком, по благовестию моему, иисусом христом.
17 Се, ты иудей именуешися, и почиваеши на законе, и хвалишися о бозе,
18 и разумееши волю, и разсуждаеши лучшая, научаемь от закона,
19 уповая же себе вожда быти слепым, света сущим во тме,
20 наказателя безумным, учителя младенцем, имуща образ разума и истины в законе:
21 научая убо инаго, себе ли не учиши,
22 проповедая не красти, крадеши: глаголяй не прелюбы творити, прелюбы твориши: гнушаяся идол, святая крадеши:
23 иже в законе хвалишися, преступлением закона бога безчествуеши.
24 Имя бо божие вами хулится во языцех, якоже есть писано.
25 обрезание бо пользует, аще закон твориши: аще же закона преступник еси, обрезание твое необрезание бысть.
26 Аще убо необрезание оправдание закона сохранит, не необрезание ли его во обрезание вменится,
27 и осудит еже от естества необрезание, закон совершающее, тебе, иже писанием и обрезаниемъ еси преступник закона.
28 (Зачало 83) Не бо иже яве, иудей есть, ни еже яве во плоти, обрезание:
29 но иже в тайне иудей, и обрезание сердца духом, (а) не писанием: емуже похвала не от человек, но от бога.
1 Что убо речем авраама отца нашего обрести по плоти?
2 Аще бо авраам от дел оправдася, имать похвалу, но не у бога.
3 Что бо писание глаголетъ? верова же авраамъ богови, и вменися ему в правду.
4 (Зачало 86) Делающему же мзда не вменяется по благодати, но по долгу:
5 а не делающему, верующему же во оправдающаго нечестива, вменяется вера его в правду.
6 якоже и давид глаголет блаженство человека, емуже вменяет бог правду, без дел закона:
7 блажени, ихже отпустишася беззакония и ихже прикрышася греси:
8 блажен муж, емуже не вменит господь греха.
9 блаженство убо сие на обрезание ли, или на необрезание? Глаголем бо, яко вменися аврааму вера в правду.
10 Како убо вменися ему? во обрезании ли сущу, или в необрезании? Не во обрезании, но в необрезании.
11 И знамение прият обрезания, печать правды веры, яже в необрезании: яко быти ему отцу всех верующих в необрезании, во еже вменитися и тем в правду,
12 и отцу обрезания, не сущим точию от обрезания, но и ходящим в стопах веры, яже (бе) в необрезании отца нашего авраама.
13 (Зачало 87) Не законом бо обетование аврааму, или семени его, еже быти ему наследнику мирови, но правдою веры.
14 Аще бо сущии от закона наследницы, испразднися вера, и разорися обетование:
15 закон бо гнев соделовает: идеже бо несть закона, (ту) ни преступления.
16 Сего ради от веры, да по благодати, во еже быти известну обетованию всему семени, не точию сущему от закона, но и сущему от веры авраамовы, иже есть отец всем нам,
17 якоже есть писано: яко отца многимъ языком положих тя, прямо богу, емуже верова, животворящему мертвыя и нарицающу не сущая яко сущая.
18 Иже паче упования во упование верова, во еже быти ему отцу многим языком, по реченному: тако будет семя твое.
19 И не изнемог верою, ни усмотри своея плоти уже умерщвленныя, столетен негде сый, и мертвости ложесн сарриных:
20 во обетовании же божии не усумнеся неверованием, но возможе верою, дав славу богови
21 и известен быв, яко, еже обеща, силен есть и сотворити.
22 Темже и вменися ему в правду.
23 Не писано же бысть за того единаго точию, яко вменися ему,
24 но и за ны, имже хощет вменитися, верующимъ в воскресившаго иисуса христа господа нашего изъ мертвых,
25 иже предан бысть за прегрешения наша и воста за оправдание наше.
Зачало 88.
Зачало 94.
Зачало 100.
1 Истину глаголю о христе, не лгу, послушествующей ми совести моей духом святым,
2 яко скорбь ми есть велия и непрестающая болезнь сердцу моему:
3 молил бых ся бо сам аз отлучен быти от христа по братии моей, сродницех моих по плоти,
4 иже суть израилите, ихже всыновление и слава, и завети и законоположение, и служение и обетования:
5 ихже отцы, и от нихже христос по плоти, сый над всеми бог благословен во веки, аминь.
6 (Зачало 101) Не такоже, яко отпаде слово божие: не вси бо сущии от израиля, сии израиль,
7 ни зане суть семя авраамле, вси чада: но во исааце, рече, наречется ти семя.
8 Сиречь, не чада плотская, сия чада божия: но чада обетования причитаются в семя.
9 обетования бо слово сие: на сие время прииду, и будет сарре сын.
10 Не точию же, но и ревекка от единаго ложа исаака отца нашего имущи:
11 еще бо не рождшимся, ни сотворившим что благо или зло, да по избранию предложение божие пребудетъ
12 не от дел, но от призывающаго, речеся ей, яко болий поработает меншему,
13 якоже есть писано: иакова возлюбих, исава же возненавидех.
14 Что убо речемъ? еда неправда у бога? Да не будет.
15 Моисеови бо глаголет: помилую, егоже аще помилую, и ущедрю, егоже аще ущедрю.
16 Темже убо ни хотящаго, ни текущаго, но милующаго бога.
17 Глаголет бо писание фараонови: яко на истое сие воздвигох тя, яко да покажу тобою силу мою, и да возвестится имя мое по всей земли.
18 (Зачало 102) Темже убо егоже хощет, милует: а егоже хощет, ожесточает.
19 Речеши убо ми: чесо ради еще укоряет, воли бо его кто противитися можетъ?
20 Темже убо, о, человече, ты кто еси, против отвещаяй богови? еда речет здание создавшему е: почто мя сотворил еси тако?
21 Или не имать власти скудельник на брении, от тогожде смешения сотворити ов убо сосуд в честь, ов же не в честь?
22 Аще же хотя бог показати гнев свой и явити силу свою, пренесе во мнозе долготерпении сосуды гнева совершены в погибель:
23 и да скажет богатство славы своея на сосудехъ милости, яже предуготова в славу,
24 ихже и призва нас не точию от иудей, но и от язык:
25 якоже и во осии глаголет: нареку не люди моя люди моя, и невозлюбленую возлюблену:
26 и будет, на месте, идеже речеся им: не людие мои есте вы, тамо нарекутся сынове бога живаго.
27 Исаиа же вопиет о израили: аще будет число сынов израилевых яко песок морский, останокъ спасется:
28 слово бо скончавая и сокращая в правде, яко слово сокращено сотворит господь на земли,
29 и якоже прорече исаиа: аще не бы господь саваоф оставил нам семене, якоже содомъ убо были быхом, и якоже гоморру уподобилися быхом.
30 Что убо речем, яко языцы, не гонящии правду, постигоша правду, правду же, яже от веры:
31 израиль же, гоня закон правды, в закон правды не постиже.
32 Чесо ради? Зане не от веры, но от делъ закона: преткнушася бо о камень претыкания,
33 якоже есть писано: се, полагаю в сионе камень претыкания и камень соблазна: и всякъ веруяй в онь не постыдится.
Зачало 103.
1 Братие, благоволение убо моего сердца и молитва, яже к богу по израили, есть во спасние.
2 Свидетелствую бо им, яко ревность божию имут, но не по разуму.
3 Не разумеюще бо божия правды и свою правду ищуще поставити, правде божией не повинушася:
4 кончина бо закона христос, в правду всякому верующему.
5 Моисей бо пишет правду юже от закона: яко сотворивый та человек жив будет в них.
6 А яже от веры правда сице глаголет: да не речеши в сердцы твоем: кто взыдет на небо, сиречь христа свести:
7 или кто снидет в бездну, сиречь христа от мертвых возвести.
8 Но что глаголет писание? Близ ти глаголъ есть, во устех твоих и в сердцы твоем, сиречь глагол веры, егоже проповедаем:
9 яко аще исповеси усты твоими господа иисуса, и веруеши в сердцы твоем, яко богъ того воздвиже из мертвых, спасешися:
10 сердцем бо веруется в правду, усты же исповедуется во спасние.
11 (Зачало 104) Глаголет бо писание: всяк веруяй в онь не постыдится.
12 Несть бо разнствия иудееви же и еллину: той бо бог всех, богатяй [богат сый] во всехъ призывающих его.
13 Всяк бо, иже аще призовет имя господне, спасется.
14 Како убо призовут, в негоже не вероваша? Како же уверуют, егоже не услышаша? како же услышат без проповедающаго?
15 Како же проповедят, аще не послани будутъ? якоже есть писано: коль красны ноги благовествующихъ мир, благовествующих благая.
16 Но не вси послушаша благовествования. Исаиа бо глаголет: господи, кто верова слуху нашему?
17 Темже убо вера от слуха, слух же глаголомъ божиим.
18 Но глаголю: еда не слышаша? Темже убо [но паче], во всю землю изыде вещание их, и в концы вселенныя глаголы их.
19 Но глаголю: еда не разуме израиль? Первый моисей глаголет: аз раздражу вы не о языце, но о языце неразумне [о не языце, о языце неразумне] прогневаю вас.
20 Исаиа же дерзает и глаголет: обретохся не ищущим мене, явлен бых не вопрошающимъ о мне.
21 Ко израилю же глаголет: весь день воздех руце мои к людем непокоривым и пререкающим.
1 Глаголю убо: еда отрину бог люди своя? Да не будет. Ибо и аз израильтянин есмь, от семене авраамля, колена вениаминова.
2 Не отрину бог людей своих, ихже прежде разуме. (Зачало 105) Или не весте, о илии что глаголет писание, яко приповедует богови [вопиетъ к богу] на израиля, глаголя:
3 господи, пророки твоя избиша и олтари твоя раскопаша: и аз остах един, и ищутъ души моея, изъяти ю.
4 Но что глаголет ему божественный ответъ? оставихъ себе седмь тысящ мужей, иже не преклониша колена пред ваалом.
5 Тако убо и в нынешнее время останокъ по избранию благодати бысть.
6 Аще ли по благодати, то не от дел: зане благодать уже не бывает благодать. Аще ли от дел, ктому несть благодать: зане дело уже несть дело.
7 Что убо? егоже искаше израиль, сего не получи, а избрание получи: прочии же ослепишася,
8 якоже есть писано: даде им бог духъ умиления [духа нечувствия], очи не видети и уши не слышати, даже до днешняго дне.
9 И давид глаголет: да будет трапеза их въ сеть и в лов, и в соблазн и в воздаяние им:
10 да помрачатся очи их еже не видети, и хребет их выну сляцай.
11 Глаголю убо: еда согрешиша, да отпадутъ? Да не будет. Но тех падением спасние языком, во еже раздражити их.
12 Аще ли же прегрешение их богатство мира, и отпадение их богатство языков: кольми паче исполнение ихъ?
13 (Зачало 106) Вам бо глаголю языком: понеже убо есмь аз языком апостол, службу мою прославляю.
14 Аще како раздражу мою плоть, и спасу некия от нихъ?
15 Аще бо отложение их, примирение миру, что приятие, разве жизнь из мертвыхъ?
16 Аще ли начаток свят, то и примешение: и аще корень свят, то и ветви.
17 Аще ли некия от ветвей отломишася, ты же, дивия маслина сый, прицепился еси в них, и причастник корене и масти маслинныя сотворился еси,
18 не хвалися на ветви: аще ли же хвалишися, не ты корень носиши, но корень тебе.
19 Речеши убо: отломишася ветви, да азъ прицеплюся.
20 Добре: неверием отломишася, ты же верою стоиши: не высокомудрствуй, но бойся.
21 Аще бо бог естественных ветвей не пощаде, да не како и тебе не пощадит.
22 Виждь убо благость и непощадение божие: на отпадших убо непощадение, а на тебе благость божия, аще пребудеши в благости: аще ли же ни, то и ты отсечен будеши.
23 И они же, аще не пребудут в неверствии, прицепятся: силен бо есть бог паки прицепити их.
24 Аще бо ты от естественныя отсечен дивия маслины, и чрез естество прицепился еси к добрей маслине: кольми паче сии, иже по естеству, прицепятся своей маслине?
25 (Зачало 107) Не бо хощу вас не ведети тайны сея, братие, да не будете о себе мудри, яко ослепление от части израилеви бысть, дондеже исполнение языков внидет,
26 и тако весь израиль спасется, якоже есть писано: приидет от сиона избавляяй, и отвратитъ нечестие от иакова:
27 и сей им от мене завет, егда отиму грехи их.
28 По благовествованию убо, врази вас ради: по избранию же, возлюблени отец ради.
29 Нераскаянна бо дарования и звание божие.
30 якоже бо и вы иногда противистеся богови, ныне же помиловани бысте сих противлением [сихъ ради противления]:
31 такожде и сии ныне противишася вашей милости [вашего ради помилования], да и тии помиловани будут.
32 Затвори бо бог всех в противление, да всехъ помилует.
33 о, глубина богатства и премудрости и разума божия! яко неиспытани судове его, и неизследовани путие его.
34 Кто бо разуме ум господень, или кто советник ему бысть?
35 Или кто прежде даде ему, и воздастся ему?
36 яко из того и тем и в нем всяческая. Тому слава во веки. Аминь.
Зачало 108.
1 Молю убо вас, братие, щедротами божиими, представите телеса ваша жертву живу, святу, благоугодну богови, словесное служение ваше,
2 и не сообразуйтеся веку сему, но преобразуйтеся обновлением ума вашего, во еже искушати вам, что есть воля божия благая и угодная и совершенная.
3 Глаголю бо благодатию давшеюся мне, всякому сущему в вас не мудрствовати паче, еже подобаетъ мудрствовати: но мудрствовати в целомудрии, коемуждо якоже бог разделил есть меру веры.
4 (Зачало 109) якоже бо во единем телеси многи уды имамы, уды же вси не тожде имут делание,
5 такожде мнози едино тело есмы о христе, а по единому друг другу уди.
6 (Зачало 110) Имуще же дарования по благодати данней нам различна: аще пророчество, по мере веры:
7 аще ли служение, в служении: аще учяй, во учении:
8 аще утешаяй, во утешении: подаваяй, в простоте: предстояй [началствуяй], со тщанием: милуяй, с добрым изволением.
9 Любы нелицемерна: ненавидяще злаго, прилепляйтеся благому:
10 братолюбием друг ко другу любезни: честию друг друга болша творяще:
11 тщанием не лениви, духом горяще, господеви работающе:
12 упованием радующеся, скорби терпяще, въ молитве пребывающе:
13 требованием святых приобщающеся, страннолюбия держащеся:
14 благословляйте гонящия вы: благословите, а не клените.
15 Радоватися с радующимися, и плакати с плачущими.
16 Тожде друг ко другу мудрствующе: не высокая мудрствующе, но смиренными ведущеся: не бывайте мудри о себе:
17 ни единому же зла за зло воздающе, промышляюще добрая пред всеми человеки.
18 Аще возможно, еже от вас, со всеми человеки мир имейте.
19 Не себе отмщающе, возлюблении, но дадите место гневу. Писано бо есть: мне отмщение, азъ воздам, глаголет господь.
20 Аще убо алчет враг твой, ухлеби его: аще ли жаждет, напой его: сие бо творя, углие огнено собираеши на главу его.
21 Не побежден бывай от зла, но побеждай благимъ злое.
Зачало 111.
1 Изнемогающаго же в вере приемлите, не в сомнение помышлении.
2 ов бо верует ясти вся, а изнемогаяй зелия (да) яст.
3 ядый не ядущаго да не укоряет: и не ядый ядущаго да не осуждает: бог бо его прият.
4 Ты кто еси судяй чуждему рабу? Своему господеви стоит, или падает. Станет же, силенъ бо есть бог поставити его.
5 ов убо разсуждает день чрез день, ов же судит на всяк день. Кииждо своею мыслию да извествуется.
6 (Зачало 113) Мудрствуяй день, господеви мудрствует: и не мудрствуяй день, господеви не мудрствует. ядый, господеви яст, благодарит бо бога: и не ядый, господеви не яст, и благодарит бога.
7 Никтоже бо нас себе живет, и никтоже себе умирает:
8 аще бо живем, господеви живем, аще же умираем, господеви умираем: аще убо живем, аще умираем, господни есмы.
9 (Зачало 114) На сие бо христос и умре и воскресе и оживе, да и мертвыми и живыми обладает.
10 Ты же почто осуждаеши брата твоего, или ты что уничижаеши брата твоего? Вси бо предстанемъ судищу христову.
11 Писано бо есть: живу аз, глаголет господь, яко мне поклонится всяко колено, и всякъ язык исповестся богови.
12 Темже убо кийждо нас о себе слово даст богу.
13 Не ктому убо друг друга осуждаем, но сие паче судите, еже не полагати претыкания брату или соблазна.
14 Вем и извещен есмь о христе иисусе, яко ничтоже скверно само собою: точию помышляющему что скверно быти, оному скверно есть.
15 Аще же брашна ради брат твой скорбит, уже не по любви ходиши: не брашном твоимъ того погубляй, за негоже христос умре.
16 Да не хулится убо ваше благое.
17 Несть бо царство божие брашно и питие, но правда и мир и радость о дусе святе.
18 Иже бо сими служит христови, благоугоденъ есть богови и искусен человеком.
19 (Зачало 115) Темже убо мир возлюбим и яже к созиданию друг ко другу.
20 Не брашна ради разоряй дело божие. Вся бо чиста, но зло человеку претыканием ядущему.
21 Добро не ясти мяс, ниже пити вина, ни о немже брат твой претыкается или соблазняется или изнемогает.
22 Ты веру имаши? о себе сам имей предъ богом. блажен не осуждаяй себе, о немже искушается.
23 А сомняяйся, аще яст, осуждается, зане не от веры: всяко же, еже не от веры, грехъ есть.
24 Могущему же вас утвердити по благовествованию моему и проповеданию иисус христову, по откровению тайны, леты вечными умолчанныя,
25 явльшияся же ныне, писании пророческими, по повелению вечнаго бога, в послушание веры во всех языцех познавшияся,
26 единому премудрому богу, иисусом христом, емуже слава во веки. Аминь.
Зачало 116.
1 Должни есмы мы сильнии немощи немощных носити, и не себе угождати:
2 кииждо же вас ближнему да угождает во благое к созиданию.
3 Ибо и христос не себе угоди, но якоже есть писано: поношения поносящих тебе нападоша на мя.
4 елика бо преднаписана быша, в наше наказание преднаписашася, да терпением и утешениемъ писаний упование имамы.
5 бог же терпения и утешения да даст вамъ тожде мудрствовати друг ко другу о христе иисусе,
6 да единодушно едиными усты славите бога и отца господа нашего иисуса христа.
7 (Зачало 117) Темже приемлите друг друга, якоже и христос прият вас во славу божию.
8 Глаголю же христа иисуса служителя бывша обрезания по истине божией, во еже утвердити обетования отцев:
9 а языком по милости, прославити бога, якоже есть писано: сего ради исповемся тебе во языцех, господи, и имени твоему пою.
10 И паки глаголет: возвеселитеся, языцы, с людьми его.
11 И паки: хвалите господа, вси языцы, и похвалите его, вси людие.
12 И паки исаиа глаголет: будет корень иессеов, и востаяй владети над языки: на того языцы уповают.
13 бог же упования да исполнит вас всякия радости и мира в вере, избыточествовати вамъ во уповании, силою духа святаго.
14 Извещен же есмь, братие моя, и самъ аз о вас, яко и сами вы полни есте благости, исполнени всякаго разума, могуще и иныя научити:
15 дерзее же писах вам, братие моя, от части, яко воспоминая вам, за благодать данную ми от бога,
16 во еже быти ми служителю иисус христову во языцех, священнодействующу благовествование божие, да будет приношение еже от языкъ благоприятно и освященно духом святым.
17 (Зачало 118) Имам убо похвалу о христе иисусе в тех, яже к богу:
18 не смею бо глаголати что, ихже не содея христос мною, в послушание языков, словомъ и делом,
19 в силе знамений и чудес, силою духа божия, якоже ми от иерусалима и окрест даже до иллирика исполнити благовествование христово.
20 Сице же потщахся благовестити, не идеже именовася христос, да не на чужем основании созижду,
21 но якоже есть писано: имже не возвестися о нем, узрят, и иже не слышаша, уразумеют.
22 Темже и возбранен бых многажды приити к вам.
23 ныне же ктому места не имый в странахъ сих, желание же имый приити к вам от многихъ лет,
24 яко аще поиду во испанию, прииду к вам. уповаю бо мимо грядый видети вас и вами проводитися тамо, аще вас прежде от части насыщуся.
25 ныне же гряду во иерусалим, служяй святым,
26 благоволиша бо македониа и ахаиа общение некое сотворити к нищим святым живущим во иерусалиме.
27 Благоволиша бо, и должни им суть. Аще бо в духовных их причастницы быша языцы, должни суть и в плотских послужити им.
28 Сие убо скончав, и запечатлев имъ плод сей, поиду вами во испанию:
29 вем же, яко грядый к вам, во исполнении благословения благовестия христова прииду.
30 (Зачало 119) Молю же вы, братие, господем нашимъ иисус христом и любовию духа, споспешствуйте ми в молитвах о мне к богу,
31 да избавлюся от противляющихся во иудеи, и да служба моя, яже во иерусалиме, благоприятна будет святым:
32 да с радостию прииду к вам волею божиею и упокоюся с вами.
33 бог же мира со всеми вами. Аминь.
Зачало 120.
1 Вручаю же вам фиву сестру нашу, сущу служителницу церкве яже в кегхреех:
2 да приимете ю о господе достойне святым, и споспешствуйте ей, о нейже аще от васъ потребует вещи: ибо сия заступница многимъ бысть, и самому мне.
3 Целуйте прискиллу и акилу, споспешника моя о христе иисусе,
4 иже по души моей своя выя положиста, ихже не аз един благодарю, но и вся церкви языческия: и домашнюю их церковь.
5 Целуйте епенета возлюбленнаго ми, иже есть начаток ахаии во христа.
6 Целуйте мариамь, яже много трудися о нас.
7 Целуйте андроника и иунию, сродники моя и спленники моя, иже суть нарочиты во апостолех, иже и прежде мене вероваста во христа.
8 Целуйте амплиа возлюбленнаго ми о господе.
9 Целуйте урвана споспешника нашего о христе, и стахиа возлюбленнаго ми.
10 Целуйте апеллиа искусна о христе. Целуйте сущия от аристовула.
11 Целуйте иродиона сродника моего. Целуйте иже от наркисса сущия о господе.
12 Целуйте трифену и трифосу труждающияся о господе. Целуйте персиду возлюбленную, яже много трудися о господе.
13 Целуйте руфа избраннаго о господе, и матерь его и мою.
14 Целуйте асигкрита, флегонта, ерма, патрова, ермиа, и сущую с ними братию.
15 Целуйте филолога и иулию, ниреа и сестру его, и олимпана, и сущия с ними вся святыя.
16 Целуйте друг друга лобзанием святым. Целуютъ вы вся церкви христовы.
17 (Зачало 121) Молю же вы, братие, блюдитеся от творящих распри и раздоры, кроме учения, емуже вы научистеся, и уклонитеся от них:
18 таковии бо господеви нашему иисусу христу не работают, но своему чреву: иже благими словесы и благословениемъ прельщают сердца незлобивых.
19 Ваше бо послушание ко всем достиже. Радуюся же еже о вас: хощу же вас мудрых убо быти во благое, простых же в злое.
20 бог же мира да сокрушит сатану под ноги ваша вскоре. благодать господа нашего иисуса христа с вами. Аминь.
21 Целует вас тимофей споспешник мой, и лукий и иасон и сосипатр, сродницы мои.
22 Целую вы (и) аз тертий, написавый послание сие, о господе.
23 Целует вы гаие странноприимец мой и церкве всея. Целует вы ераст строитель градский, и куарт брат.
24 благодать господа нашего иисуса христа со всеми вами. Аминь.
Конец посланию к римляном: имать в себе глав 16, зачал же церковных 43.
Заметили ошибку в тексте? Выделите её мышкой и нажмите Ctrl+Enter